ВЫПРУДЗІЦЦА зак. абразл. Памерці, спруцянець. Покуль я прыбегла, то ён ужэ й выпрудзіўся. ВЫШМАЛЬЗАВАЦЬ зак. Вышмальцаваць. І трэба ш так вышмальзаваць кабат каля печы, што кап брытка выйсці на вуліцу было. ГАПОНЯ ж. Доўгае неахайнае адзенне. Але ш і гапоню ты сёнячы некую ўшчапіла. ГАРДЭЛЯ ж. Жанчына высокага росту. Ні дзіва, што такая гардэля дастаня да вакна. Яна й да коміна можа дастаць. ГЕРГАТАЦЬ незак. Крычаць (пра гусей). Гусі як пачнуць гергатаць у хляве, то, хочаш ні хочаш, прыходзіцца хуччэй выпускаць на выган. ГЛУШМАН м. Зусім глухі чалавек. Ён такі глушман, што колькі яму ні крычы, ся роўна не пачуя. ГОЛДА м., ж. Бамбіза. Але ш і голда твая дзёўчына стала. Высозная такая. ГОРТАЦЬ незак. Гартаць. Яна іны рас толькі гортая, а ні чытая гэтыя кнішкі. ГРАВЕЙКА ж. Дарога, высыпаная гравіем. Утомяцца мае дзеці, покуль дойдуць да тое гравейкі. ГРАДУС м. Баразна, града пасаджанай бульбы, буракоў і г. д. На гэтых градусах я сёлята красьненькіх бурачкоў пасею, а на тых — моркаўкі. ГРАТАЎКА ж. Падвесная полка для пасуды. На гратаўцы ў мяне ўся пасуда стаіць. ГУСАК м. Вантробы. Цяпер гусак даставай, а потым кроў выбяраш. ГУШКАНКА ж. Гушкалка. Зрабі хоць гушканку дзіцяці. Яна так даўно просіць цябе. ДАРМІНКА ж. Дарэмшчына. Ого-о! Ён за дармінкай гатоў у сьвет паехаць. ДАЧВАРАЦЬ незак. Вытвараць, гарэзнічаць. Але ш і дачварая твой хлопяц. У школьны сат ажно трафіў. ДРАПЧЫК м. Брычка. Трэба драпчык папрасіць у брыгадзіра, дык, рызыкуючы, паедзям на вяселя. ДРЭБЫ толькі мн. Косці. Трэба паткарміць карову, а то страшна глянуць на яе. Адны дрэбы пасталі. ДУБАРАМ прысл. Дубам. У яго с перапуду ажно валасы дубарам сталі. ДУНДЗІЦЬ незак. Часта ссаць. У нас бычок яшчэ цыцку дундзіць, дык нельга малака ўкрасьці ў каровы ні каплі.