ГАРЛЯК м. Гарлач, збан з вузкім горлам. Малако ў гарляку даўжэй не кіснець. Шаркаўшчына. Параўн. гарнушак у 2 знач., гладышак, глыдач. ГАРЛЯНКА ж. Горла. ◊ Гарлянку драць – крычаць. А чаго ты гарлянку дзярэш? Баева Дубр. ГАРМІДАРАМ прысл. Гуртам, талакой. А яны сабраліся гармідарам ды і выкапалі ўсю бульбу за дзень. Халамер'е Гар. ГАРМОНЯ ж. Гармонік. А ну, дзед, бяры ў рукі гармоню. Харытонава Рас. ГАРНА прысл. Добра. Гэты музыкант гарна іграе на баяне. Галубчыкі Глыб. ГАРНІК м., ГАРНІЦА ж. Гарнец, мера сыпкіх цел. Хацелася мне бліноў паесці, а ў гарніку саўсім пуста. Тупічына Шарк. Бабка, калі пячэць бліны, трымаець гарніцу пад рукой. Шаркаўшчына. ГАРНУШАК, памянш. ГАРНУШАЧАК, ГАРНУШЫЧАК м. 1. Маленькі гаршчок. Гарнушак кашы з'ясі, і за гэта спасіба. Дворышча Леп. Падай мне той гарнушак. Нурава В.-Дзв., Булахі Глыб. Бабуля вынула з пячы маленькі гарнушачак. Пушкі Лёзн. Наліце поліўкі ў гарнушачак. Ноўка Віц., Выгада Сен. Унучка назбірала гарнушычак суніц. Рагозіна Арш. 2. Гарлач. Прынясі мне малачка гарнушак. Ураджайная Глыб. А вун вазьмі гарнушак на акне, я свежую смятанку толька зняла. Гарадзец Шарк. Дзед наш на жбанок гаварыў гарнушак. Вераб'і Пол. Параўн. гарляк, гладышак, глыдач. ГАРНЫ прым. 1. Прыгожы, прывабны. Нявестка ў нас гарная дзяўчына. Пачаевічы Чаш. 2. Добры, якасны. Ня дужа гарныя гэтыя арэхі. Грабяніца Віц. ГАРОВЫ гл. ГАРАВІТЫ ГАРОДЗІК м. Плот. Гародзік добры паставілі, а то стары зусім ніякі быў. Выдрэя Лёзн. ГАРОДЗІШЧА н., павел. Агарод. Гародзішча ўсё зарасло пустазеллем. Пачаевічы Чаш. ГАРОНЦА гл. ГАРАЧО ГАРОТА ж. Гора, бяда. Мае сэрца адкрытае ўсім радасцям і гаротам. Янава Тал. ГАРОЎЛЯ ж. Бесперапынная напружаная праца. Давай крыху спынім нашую гароўлю! Гарбацэвічы Арш. ГАРОХАВІШЧА н., зб. Лісце і сцёблы гароху. Гэтыя гарохавішчы палавіну агароду занімаюць. Мішкавічы Шум. ГАРОХНІЦА, ГАРОХНІШЧА, ГАРОЧНІШЧА н. Гарохавішча; поле пасля гароху. Скора гарох зберым і будзець там гарохніца. Дразды Беш. Калі гарохнішча перакапаць, то на