ГАЛУТА ж., толькі адз. Асеннія замаразкі без снегу. У галуту йшчэ кароў можна пасціць, калі што ёсць на полі. Ясева Міёр. ГАЛУТЛІВА прысл. Слізка. Галутліва стала за вадой ісці. Валынцы В.-Дзв. Параўн. глізка. ГАЛУШКА ж., перан. Кавалак вугалю. Галушкі трэба кідаць у печ. Міхалінава Лёзн. ГАЛЫШ м., часцей ГАЛЫШЫ мн., кулін. Клёцкі з мукі або бульбы без начынкі. На саракі варуць галашы. Кветча Леп. Параўн. галдун у 1 знач., глазнічка. ГАЛЬДЗІК м. Шклянка. Не пі поўны гальдзік, каб не спіўся. Суднікі Арш. ГАЛЬКА ж. Сподняя жаночая сарочка; камбінацыя. Даўней галькі самі шылі з бацісту, а цяпер усё шоўкавыя ды нейлонавыя. Антонаўцы Брасл. ГАЛЬКЕЦЬ незак. Заставацца ў хаце адной, быць у адзіноце. Я не люблю галькець вечарамі. Сарочына Уш. ГАЛЬМАВАЦЬ незак. Тармазіць. Цягніку на павароце трэба гальмаваць. Іванск Чаш. ГАЛЬМАВАЦЬ незак. Абграбаць, падраўноўваць стог сена. Стагі нада гальмаваць, дык будуць стаяць. Гарадок. ГАЛЬМАКНУЦЦА зак., экспр. Зваліцца з чаго-небудзь і моцна ўдарыцца. Ехала я на ровары пасля дажджу, пакаўзнулася і так гальмакнулася, што аж слёзы з вачэй пасыпаліся. Празарокі Глыб. Параўн. гакнуцца. ГАЛЬНО гл. ГАЛЕНЬ ГАЛЭП м., заал. Птушанятка, не пакрытае пер'ем. Дзеці ўчора мне галэпа прынеслі. Гарбацэвічы Арш. ГАЛЮШАНЬКІЙ, ГАЛЮШАНІЧКІЙ прым., памянш. Голенькі. Галюшанькій карапузік, тоўсценькій, сядзіць у люлькі і смяецца, галюшанічкій такей. Ляхаўка Дубр. ГАЛЮШКА ж. Юшка; металічны кружок, якім закладаюць адтуліну ў коміне. Трэба было адчыніць галюшку ў печы. Чарневічы Глыб. ГАЛЮШОВІКІ, ГУЛЕШОВІКІ, ГЛІШУЎКІ мн. Галошы. І абування такога раней не было, як цяпер. Ну, лапці якія-нібудзь, дзеравянікі, галюшовікі. Сухавежа Міёр. Пайду на агарод у гулешовіках, тапкі змараю яшчэ. Папшычы Глыб. Падай мне мае глішуўкі, а то мокра ў ногі. Лукашова Паст. Параўн. гамашы. ГАЛЯВІНА ж. Паляна. Вялікая галявіна ў нашым лесе зарасла верасам. Рыдамля Тал. ГАЛЯВЭТА, ГАЛЯРЭТА, памянш.-ласк. ГАЛЯРЭТКА ж., кулін. Халадзец, студзень. Мой мужык дужа любіць галявэту.