Не мыўся — ляніў, памыўся — хвастліў. Гильт., 292, Віл. п. Не з дабра бруд заеў. Сержп., 24. Ці свінні елі, ці шляхта папасвалася. Сержп., 131. а) Нельга пазнаць, ці шляхта ела, ці свінні папасваліся. 1961, Брасл. 13.9.5. Свіння і то ў карыце не гадзіць. Л. Царанкоў, 1960, Мінск 13.9.2. Калі б не зубы да не губы, і душа б вон выскачыла. Нос., 63. З шалудзіваю галавою ў дух не лезь. Нос., 159; Дуб., 56. Не па шолудзях паршы. Добр., Смол., 114. Бяла не бяла, абы воду відала. 1961, Кап. 13.9.5; І. Курбека, 1961, Докш. 13.9.7. Калі лахудра, не паможа і пудра. С. Шыршуновіч, 1966, Свісл. 13.10.28; 1961, Кап. 13.9.5; Л. Задаля, 1967, Клец. 13.10.14. Мядзведзь ніколі (век) не ўмываецца, да здароў. Сержп., 13; М. Грынблат, 1926, Тур. а) Мядзведзь ніколі не мыецца, а пра тое здароў. Pietk., 379. Мядзведзь ніколі не мыецца, але мёд есць. Янк., 235. Мядзведзь ніколі не мыецца, а ўсе яго баяцца. Янк. Н., 182. а) Чоран мядзведзь, да ўсяк яго баіцца. Добр., Смол., 24. І нямыцькі па тры гарады дзяржалі. Добр., Смол., 24. Гразь не сала — пацёр, [дык і] адстала. Сержп., 13; Добр., Смол., 24.