Жэб маяму дзіцяці той розум наперадзе, цо ў мужыка назадзе, то быў бы чалавек. Fed., 93. Бацькіны дзеці — це вумны і разумны. Добр., Смол., 107. Яйца курыцу вучаць. Добр., Смол., 114. Вар.: Нос., 188. а) Яйцы курэй не вучаць. Мат. ГТ. Вар.: Fed., 124. б) Бывае, што і яйца курыцу вучаць. Мін.-Мал., 1970, 158, Пух. в) Разумнейшыя яйца за куры. Fed., 124. Разумна дзіця не гадуецца. Fed., 93. Ласкавае дзіцятка дзве маткі ссе, а гордае ні адной. Czeczot, 110. а) Пакорна дзіцятка дзве маткі ссе, а непакорнае нігоднае не ссе. Гильт., 290, Пруж. п. Добрае дзіця бацькоў мыслі адгадвае. Fed., 91; Вар.: Сцяшк., 589, Гродз. Дзіця не салжэ. Сержп., 52. Дзіця і п'яны праўду скажуць. Fed., 91. а) Малое і п'янае найлепшу праўду скажа. Fed., 176. Чалавек да сямі лет праўду гаворыць. Fed., 61. То ж і ліха, што дзіця ляжыць ціха. А. Русіновіч, 1954, Светл. 13.3.29. Ліха дзіцяці так не ўморыць, як распатворыць. Pietk., 367. Не ўзяў чорт малога, то і вялікага не возьме. Fed., 68. Якая матка, такое й дзіцятка. Нос., 193. а) Якая маці, такія дзеці. Fed., 173, 180.