ПРАГНЕННЕ - наз., р. -я, ніякі р. Прагнае жаданне, вялікае жаданне. У яго натта вялікая прагненя йсьці (вучыцца) у фіскультурны (інстытут). Навагр. р., Любча. ПРАЙДАК - наз., р. -а, мужч. р. Прайдзісвет. Мы ўжо ня гэткага прайдака бачылі! Нас ня возьміш хітрыкамі. Барыс. р., В. Трасцяніца. Гл. пройда. ПРОЙДА - наз., р. -ы, агульн. р. Прайдзісвет. Пройда нейкі а ні жаніх. На якое ліха ён такі? Рэч. р., Гарывада. (Л. Ц.). Гл. прайдак. ПРЫГРУНУЦЬ - дзеясл., законч. тр., пераходны. Прымусіць. Калі ні прыгруняш - сам ні дагадаяцца парабіць урокі. Старыя Дарогі, Горкі. (І. Л.). ПРЫКМЕЦІЦЬ - дзеясл., законч. тр., пераходны. А мы й самі прыкмецілі, што вы не так гаворыце, а ў нас не так. Лях. р., Рожан. Яго ніхто ўжо не прыкмеціць. Лях. р., Чудзін. (А. Сержпутоўскі, 1926, стар. 34). Прыкмячаць - незаконч. тр., І спр. Ці не прыкмецілі тут майіх? Лях. р., Чудзін. Слова прыкмеціць - літаратурнае, але змяшчаю яго з тае прычыны, што ў друку з'явіліся меркаванні: быццам гэтае слова "прыдумалі кніжнікі". ПРЫМУШ - наз., р. -а, мужч. р. Прымак. Яго старэйшы брат пашоў у прымушы. Сенн. р., Падворыца. (Л. Д.). Параўн. (словаўтвар.) прыбыш. ПРЫТНЫ - прыметн. Ужываецца ў спалучэнні з назоўнікам бераг. Прытны бераг - супрацьлеглы гаку; прытны бераг і гак - абодва на павароце ракі; прытны бераг - стромы, высокі бераг, пры ім рака глыбокая; гак - адхонны бераг (звычайна пяшчысты) і мелкая палоска, участак ракі ўздоўж берага. Кар. р., Сіняўская Слабада. ПУЖАВІНА, ПУЖАВІНКА - наз., р. -і, жан. р. Пугаўё. Пужавіну каб зь яленчыку, моцная й гіпкая. Мядз. р., Купа. ПЫЛЯЧОК - наз., р. -ч-к-а, мужч. р. Кураня-пеўнік. Схапіця таго пылячка; далібох абрыдаў: ідзеш у хату й ён ні прапусьця. Мядз. р., Купа. Трэба, мусі, пылячкоў дачнікам (прадаць). Тамсама. ПЯШЧЫСТЫ - прыметн., -ая, -ае, -ыя. Што і пясчаны. Кругом тут пяшчысты лес: суха. Мядз. р., Купа. Там дно пяшчыстая. Тамсама. ПРЫМАКА - наз., р. прымакі, мужч. р. Прымак. Хоць якога прымаку знашлі п. Йіх аш тры, а мушчыны ні аднаго. Мін. р., Восава. Ды ён жа прымака! Мін. р., Маславічы. Даўней казалі: у прымакі хлеб як у сабакі. Мін. р., Лекараўка. РАДОЎКА - наз., р. -і, жан. р. Чарга (пасвіць жывёлу). Нам заўтры радоўка за карову. Сенн. р., Падворыца. (Л. Д.). РАЗЬБІРАЦЦА - дзеясл., незаконч. тр. Разбірацца. Леп. р., Вашкава. РАЗЬБІРАЦЦА - дзеясл., незаконч. тр. Прасвятляцца (пра неба, зацягнутае хмарамі, густымі воблакамі). На дварэ бытта пачало разьбірацца. Мядз. р., Купа.