Батанічны слоўнік

Апісанне: Маленькі слоўнік беларускіх назваў расьлін, з дадаткам назоваў у мовах: польскай, расейскай i лацінскай. Можа служыць падмогай пры навуцы ботанікі з падручніка ў чужой мове. Альфабэтныя сьпіскі шмат палягчаюць адшуканьне беларускага названьня данай расьліны. Слоўнік гэты можа спатрэбіцца i таму, хто ўмее назваць расьліну пабеларуску, a хоча ведаць яе навуковае імя. Дзеля таго, што адна i тая-ж расьліна ў розных мясцох Беларусі мае часта розныя назовы, нават зусім адна да аднае непадобныя, слоўнік абымае 424 беларускія назовы, адносячыся да 302 расьлін. Гэтыя тры сотні расьлін можна лічыць толькі невялікай часткай тае расьліннасьці, каторая пакрывае абшары Беларусі; з часам лік матар'ялаў пабольшыцца i пазволіць апрацавацьдалейіяы працяг слоўніка, a, пакуль што, няхай хоць гэтая невялічкая частка працы паслужыць падмогай таму, хто цікавіцда расьлінным сьветам нашай старонкі.