НОСА ПАВЕСІЦЬ. Засмуціцца. Карова прапала, ды ты ўжэ і носа павесіў. Ні бядуй: яшчэ каровяча маці ні звялася, другую купіш. Альшаніца Квас. НОСА ЎСАДЗІЦЬ. Умешвацца. Ты кругом носа ўсадзіш, без цябе нічого ні зробіцца. Усё ты ведаяш, усё ты знаяш. Галік Міл. НОС – БОГ СЯМЯРЫМ НЁС, ДЫ АДНАМУ ДАСТАЎСЯ. Вельмі вялікі. Але, братко, і нос у цябе: Бог семярым нёс, ды аднаму табе дастаўся. г.Івацэвічы. НОСІЦЦА ЯК ДУРАНЬ З ПІСАНАЮ ТОРБАЮ. Хваліцца, ганарыцца. Сплёў кошыка, то носіцца з ім як дурань з пісанаю торбаю: усім хваліцца, паказвая. І смех і грэх. Харошча Міл. НОСОМ ГАРАЦЬ. Упасці. Як дам, то землю носом гараць будзяш. Плехава Люб. НОСОМ КРУЦІЦЬ. Адмаўляцца ад некага, нечага. Бярэ хлопяц замуж, то ідзі, а то носом круціш. Гошчава Стайк. НОСОМ ЧМЫХАЦЬ. Выказваць нездавальненне. Не чмыхай носом. Заўтры паедзяш у Вацэвічы. Святом. А сёні трэба грады палоць. Хрышчонавічы Квас. НОС У НОС СУСТРЭЦЦА (СУТЫКНУЦЦА). Нечакана сустрэцца. Запалянца ўсюды сустрэць можно, нас много. Іду ў Маскве па вакзалі – нос у нос сустракаюся з Міхасём Барэйшыным. Заполле Кос. НУТРО ГАРЫЦЬ. Перажываць нервовае ўзбуджэнне, выкліканае адчуваннем трывогі. Дзе яны падзеліся з тым сеном? У мяне ўжэ ўсё нутро гарыць. Бялавічы Кос. НЭНДЗА ЗАЕЛА. Занудзіцца. Бяда за бядою – нэндза заела. Альшаніца Квас. НЮХ НА ГРОШЫ. Прадбачыць добры заробак. У яго добры нюх на грошы. Паедзя на заробкі, то больш за ўсіх грошай прывязе. г.Івацэвічы.