адзін з адным. Двое дзяцей нажылі, а ніяк адзін аднаму не ўступяць. Грызуцца як тыя сабакі. От наскочыла каса на камянь. г.Івацэвічы. НАСКРОЗЬ БАЧЫЦЬ. Вельмі добра ведаць. Я цябе наскрозь бачу, ты мяне ні ашукаяш. Мілейкі Міл. НА СЛАВУ. Вышэйшай якасці. Каравай на славу ўдаўся: маладыя добра жыць будуць. Альшаніца Квас. НА СОНЦЫ СПЕЧАНЫ. Пра недапечаны, ацеслівы хлеб. Хлеб цеставаты вышоў, як на сонцы спечаны. Але, як кажуць, хлеб ні нявестка, які ўдаўся – такі з'есца. Заполле Кос. НА СОПЛЯХ. Нешта нетрывалае, на спех зробленае. Твае варота на соплях трымаюцца. Калі ў цябе рукі дойдуць да іх? Грыўда Міл. НАСТАВІЦЬ ГУБЫ. Засярдзіцца, пакрыўдзіцца. Жонка губы наставіла, шчо получку ні ўсю аддаў. Мілейкі Міл. НА СТО І ЧАТЭРЫ. Так скажа чалавек задаволены жыццём, у якога ўсё ладзіцца. – Як настрой? – На сто і чатэры! Альшаніца Квас. НА СТО КОНЕЙ СЕСЦІ. Заганарыцца. Тэкля як на сто коней села, калі сын у акадэмію вучыцца паступіў. Квасевічы Квас. НАСТОЯЦЬ НА СВАЁМ. Дабіцца свайго. Настояла мая жонка на сваём: пайшла даяркаю рабіць. Думая, там медом намазано. Любішчыцы Люб. НАСТУПАЦЬ НА ГОРЛО. Любой цаной дабівацца свайго. От чалавек, на горло наступіць, а свайго даб'ецца: ні глядзіць ні свата ні брата. Лепш абысці яго. г.Косава. НАСТУПІЦЬ НА КОРКА. Выпіць. Адразу відно, што ты на корка наступіў: морда і нос чырвоныя. г.Івацэвічы. НА СУХІ ЛЕС. Так кажуць, калі жадаюць аберагчы сябе ад непрыемнасцей, праклёнаў. Захварэў моцно