НА СВАІХ ДВАІХ. Пехатою. З самых Вацэвіч на сваіх дваіх дахаты прышоў. Але падбіўся. Бялавічы Кос. НА СВАІХ НАГАХ. У здароўі. Добра на сваіх нагах да смерці дажыць, каб не абрыднуць нікому. Няхачава Стайк. НА СВАЮ ГОЛОЎ. Сабе на клопаты. Узяў ды купіў парасят на сваю голоў. Жонка карміць ні хоча – адзін дурэю. Даргужы Міл. НА СВАЮ ШЫЮ. На догляд, утрыманне. Узяла на сваю шыю гэтаго гультая, а цяпер мучаяцца. Стайкі Стайк. НА СВЕЖУ ГОЛОЎ. Пакуль нястомлены. Ужэ спрактыкаваўся: ні ведаяш, як зрабіць, – адкладзі на ранок. На свежу голоў лепяй думаяцца. Падстарынь Падст. НА СВІНЕ КАТАЎСЯ. Так скажуць пра чалавека з крывымі нагамі. Гэты хлопяц малым, відаць, на свіне катаўся: натто ногі крывыя. Хрышчонавічы Квас. НА СВЯТЫЯ НІГДЫ. Ніколі. Мусіць, ты мне доўг на святыя нігды аддасі. Стайкі Стайк. НАСІЦЦА ЯК З ЛЯЛЬКАЮ. Мучыцца (з хвораю нагой ці рукой). Нашуся з рукою як з лялькаю ўжэ другі месяц, і канца не відаць: не зажывая рана. Мілейкі Міл. НАСІЦЦА ЯК КУРЫЦА З ЯЙЦОМ. Асцярожнічаць. Што ты носішся з гэтаю торбаю як курыца з яйцом? Што там у цябе – золото ляжыць? Ёдчыкі Квас. НАСІЦЬ НА РУКАХ. Шанаваць, берагчы. Мой зяць надто добры: дачушку маю на руках носіць, цаны яму ні складу. г.Косава. НА СКОРУ РУКУ. Хутка. Да вечара картоплі капалі, каб скончыць. Есці пахацелі, то на скору руку яечні з салом насмажыла. Альшаніца Квас. НАСКОЧЫЛА КАСА НА КАМЯНЬ. Так скажуць пра тых, што ніяк не пагодзяцца, не дамовяцца