і ўпадзя на зямлю наском уперад, тая першая замуж пойдзя. Альшаніца Квас. 2. Правейваць. Пускалі на ветры зерня з апалушкоў, казалі, апалалі. Скураты Квас. АПАЛОХАЦЦА зак. Моцна каго-н., чаго-н. баяцца. Была атруцілася грыбамі, то гэдак апалохалася, шчо і ў рот не бяру грыбамі. Бялавічы Кос. АПАЛОХАЦЬ зак. Надоўга спалохаць. Апалохала ўнука русалкаю, то да вады баіцца падыходзіць. Руда Падст. АПАРЫ прысл. кулін. У выразе: на апары. Спосаб прыгатавання цеста для пірага, калі спачатку запарваецца мука параным малаком ці варам. Я заўсёды пірог на апары пяку: доўго ні чарсцвея і пахучы. Заполле Кос. АПАТРЫЦЬ зак. Прыбраць да рук, падпарадкаваць. Бачыш, як хутко апатрыла. Хітрая дзеўка, чуя, што грошы ў кавалера водзяцца. Альшаніца Кос. АПЕНЬКА ВОЎЧАЯ ж. бат. Апенька несапраўдная, цагельна-чырвоная. Апенькі я баюся збіраць, баюся назбіраць апенек воўчых. Альшаніца Квас. АПЕЧОК м. Невялікая ніша ў печы, пячурка. Апечок у пячэ, там клалі сушыцца рукавіцы. Хадакі Жытл. АПЕЧАНЫ дзеепр. Абсмажаны цалкам. Да вяселля кумпякі цестом абмажаш і ў добра выпаленую печку. Лепшай закускі, як апечаныя кумпякі, німа. Альшаніца Квас. АПІВОШ, АПІВОША, АПІВОШЫНА м і ж пагард. П'яніца. Ты не чалавек, ты – апівош. Бялавічы Кос. Апівошы гэтыя цэлы дзень таўкуцца каля магазіна. Стайкі Стайк. Апівошына рабіць не хоча, адно ўкрасці, прадаць і напіцца. Галынка Міл. АПІРАЧКА ж. Лыжная палка. Яшчэ хлапчанём быў, як бацько зрабіў лыжы мне, моцныя, ясянёвыя, і да іх апірачкі, лёгкія, лясковыя. Заполле Кос. АПЛАВІНЫ мн. Прыстасаванне з тонкіх жэрдачак, якое значна пашырае воз, сані. Бало, едзяш зімою па сено, аплавіны бярэш. Раскладзеш на ўсе сані, як гуру вязеш. Заполле Кос.