ДРАЖНІЛКІ-КЕПІКІ Андрэй за усіх мудрэй. Свігла B.A., 1958 г.н., 2002. Косава. Андрэй, не дурэй, не дзяры сарочкі, ты не праў, ты не ткаў — не твае i дочкі! Лушчык В.І., 1930 г.н., 2002. Алыпаніца Квас. Гаварыў чорт: "Кузьму вазьму!" Зайка А.П., 1911 г.н., 1980. Заполле Кос. Гаўрыла заліў рыла. Зайка E.Я., 1903 г.н., 1980. Заполле Кос. Заліў рыла — напіўся. Даніла паехаў па мыла. Казімірчык А.П., 1928 г.н., 2002. Скураты Квас. Дзяніс палез на ніз. Зубко Л.У., 1935 г.н., 2003. Бялавічы Кос. За тарою вецер вее, а Мікіта жыта сее. Мікіціха козы доіць, а Мікіта хлявы строіць. Мікіта-чыкіта, ні я то — твой тато. А ў Антося хлеў з палосся, а ў Мікіты — хлеў з ракіты. Мікіта-чыкіта, не я то — твой тато. Зайка А.П., 1911 г.н., 1985. Заполле Кос. Палоссе — вузкія, доўгія палосы лыка. Зося без спадніцы i валосся. Лушчык В.І., 1930 г.н., 2002. Альшаніца Квас. Ігнат не вінават, вінавата Агата, што лягла пад Ігната. Лушчык В.І., 1930 г.н., 2002. Алынаніца Квас
5 👁