«Так кажуць даросламу, які робіць альбы-што, як дзіця» (тлум. інф.). У добрага мужа і варона жонка. Зайка А.П., 1911 г.н., 1980. Заполле Кос. «Як акуратны, разумны мужчына, то ніколі ні будзя перад людзьмі брыдзіць жонку, якая б яна ні была» (тлум. інф.). У добрай гаспадыні ёсць масла і сала ў скрыні. Зайка А.Ф., 1937 г.н., 2005. Косава. Сапраўдная гаспадыня ашчадная і запаслівая. У добры час сказаць, а ў ліхі памаўчаць. Івановіч Г.К., 1919 г.н., 2001. Халап'я Падст. Асцярожнасць ніколі не пашкодзіць. У дождж касі — пагодаю грабці будзеш. Зайка Ф.Я., 1907 г.н., 1985. Заполле Кос. «Касіць можно і ў дошч, а грабці толькі пагодаю» (тлум. інф.). а) Хто ў дождж косіць, той у пагоду грабе. Лушчык І.І., 1928 г.н., 1985. Альшаніца Квас. У дурнога салаўя дурная песня. Лушчык В.І., 1930 г.н., 1995. Альшаніца Квас. «Неразумны чалавек нічого добраго ні скажа, ад яго нічого вартаго ні пачуяш» (тлум. інф.). У каго густа, у каго пуста. Зайка А.П., 1911 г.н., 1980. Заполле Кос. Часам вынік працы не залежаў ад асабістых якасцяў працаўніка, але ад прыродных з'яваў. У каго дочкі, у таго маці без сарочкі. Лушчык В.І., 1930 г.н., 2001. Альшаніца Квас. «Бо маці ні думая пра сябе, а дбая, каб дочкі мелі багаты пасах, усё стараяцца для йіх» (тлум. інф.). а) У каго дочкі, будзе лапіць сарочкі. Собаль К.С., 1912 г.н., 1975. Бялавічы Кос. У каго згуба, у таго граху поўна губа. Воўна В.Ф., 1939 г.н., 2000. Заполле Кос. «Украдзя ў цябе нехта, а ты ў галаве перабіраяш, думаяш пра многіх. Яшчэ горш, клянеш людзей, якія не вінаваты душою, бяручы грэх на сваю душу» (тлум. інф.