НАГНОМ прысл. Нагбом. Напіўся нагном. Смал. НАПАРСТАК м. Кальцо, якім прымацоўваецца каса да акосся. Падай напарстак, трэбо косу асадзіць. Макр. НАРАД м. Увесь набор ткацкіх прылад. Ты палі ў печы, а я палезу па нарат, пачном заўтра посьцілкі ткаць. В. НАСІЛО н. Частка калодзежнага жураўля, вочап. Насіло скоро атарвецца, прывежы мацней. Сем. 2. Жэрдачка пад столлю каля печы, над печчу ці нават у сенцах, на якую вешаюць адзенне. На насіло павесь і хай вісіць. В. НЕНАРОКАМ прысл. Праўда, на самай справе (з пытальнай інтанацыяй). Пустапехо тожэ разводзіцца.— Ненарокам? — Не. Сем. 2. Незнарок. Я ж табе ненарокам зрабіў. Буч. НІШКАМ і НІШАЧКАМ прысл. Без шуму, ціха. Адзін рас нішачкам прышлі строіць мост. І ціпер, кап на его ліхо, кап і хацеў нішкам прайці — ні дась, брэша і брэша. Сем. ОЖАГ м. Кут у хаце каля печы, дзе стаяць вілкі, чапяла і інш. Можа ў ожах закаціласо. Тан. ОТО і ОТО-О часц. Зараз, неадкладна. Ото есьціму. Сем. Ты скора іцімеш? — Ото-о, пойдам разам. В. 2. Толькі што. Ото Стафан паехаў, а потым мы паедам. Макр. ОЧАП м. Бервяно-рычаг у калодзежным жураўлі. Очап і коварат — гето адно. Сем. ОЙДЗЕ-О часц. Тут, вось тут. А дзе бумага? — Ойдзе-о. Жылех. ПАВЕСАМ прысл. Вагою. Колькі ш павесам льну было? Сем. Ілну дасталі павесам дваццаць кіло. Смал. ПАДАЛКІ мн. Апад, ападкі. Ідзі падалкі пазьбірай. Чапл. ПАДБІЦЬЦЕ н. Падкладка ў адзенні. Падбіцьце было свае. Жывагл. ПАДДЫМНІК м. Вузкі даўжынёй у 2—3 м кавалак палатна, рушнік з узорамі чырвонага колеру для падарунка рожаніцы і яе цёткам. Сем. ПАДЗІЎ і ПОДЗІЎ м. Урок, недамаганне «ад дрэнных вачэй». Мо подзіў на яго напаў? Тан. Падзіў ашчэ накінецца на мене. Жывагл. ПАЖУПІЦЬ зак. Пагаварыць, паразмаўляць.