Адзін х.й начаваў, а другі прасіўся (нічога у чалавека няма). У нас і ў рэшаце водзіцца (трымаецца) квас. Як была ў мяне кабылка мышастая, па вярсце ў час шастала (кажуць выхваляку). У мяне хоць куніца, ды ў рот, а ў цябе сініца, ды ў год. Баран бараном, а рогі дарма (на таргу). Моца ёсць, ды хэнці (ахвоты) мала. Цалое, малое, большае папалам. Ні купцы, ні шчупцы. Фіц выйграў, фіц прайграў (усё роўна пайду ў заклад). Няўрокам — другім бокам (цвеляцца, калі хто валіцца). Раз балець галаве (рашучасць). Няўлад мая сучка — за хвост ды на плечы. Так не так, а ператакаваць не будзем. Як пойдзець п....е на пройгрыш, дык і старца лябуць. Разуй ногі, абуй нос. Доўг не вяроўка, не парвецца. Хто яго абманець, той на тачыле мора пераплывець. Усе бабры дабры (для сябе). Я не я, а панская свіння. І сам не знаець, хто яго абаср.ў. Ці так Сцяпан прапаў, ці гэтак Сцяпан прапаў. Ці пнём па саве, ці савой аб пень. У ср.цы бабе грош (нічога не будзе). Зарабіў курам на соль. Пацалуй сабаку ў ср.ку (спазніўся.)