Учупіцца — учапіцца, ухапіцца. Сабака ўчупіўся за хвост, лісіцы й дзявацца некуды. Учуць — пачуць. На магільніку толькі й можна птушак пачуць, навет салаўя, a ў Вушачы не ўчуць нікога. Ушкурыць — уцяць, дапячы. Добра-ткі яго ўшкурыў, што дасюль апомніцца ня можаць. Ушчаміць — ухапіць, укіпцюрыць. Сава курэй у лапы ўшчэміць i давай латашыць. Ушчын — пачатак. Hi ўшчыну, ні ўспаміну, праваліўся, як у мякіну. Ушчынаць — пачынаць гаварыць. Ушчынаць пачынаіць, a дагаварыць забываецца. Фазы месяца — маладзік, поўната, сход; веташок, вятох,ветах. Фасоніцца — гнацца за модай, прыбірацца. Фасоніцца-фасоніцца, а кавалеры гэтага й не заўважаюць. Фасунак — клад, скарб. Яму й чорт фасунак знойдзіць. Дзе фасунак, там палатунак. Флянец — парастак, атожылак. Нядаўна, здаецца, флянчык у вазон уторкнула, a глядзі ты, які фікус вырас. Фура — нязграбная, грузная жанчына. Суніцца фура — аж вуліца стогніць. Хабёл — хам, нахаба, неабчасаны. Хабёл прыдзіць i любую кампанію сапсуець. Хаданіна, хадня — хадзьба. Тут болі хаданіны, чым той еданіны будзіць. Ад дурной хадні ногі прысталі.