Áваць, затойваць ад чужых, жорсткіх, нахабных і крывадушных вачэй, што без мукі для беларуса няма навукі... (М. Віж. Лабірынт). – Прыказкі, кн. 2, с. 178: Без мукі няма й навукі; Рапановіч, с. 175: Без мукі не набыць навукі. Без мяне мяне жанілі (ажанілі) мяне дома не было. Без ведама ці згоды каго-н. рашылі за яго ці зрабілі што-н. ад яго імя. Калі ты правільна выбраў маршрут свой і маеш план, як дабівацца на ім, – ты сам кум каралю, а то і болей... І нечага тут плакаць: без мяне мяне жанілі, мяне дома не было. А дзе ж ты быў? (А. Кудравец. Сачыненне на вольную тэму). Я не прасіўся на гэты аддзел. Тут, як кажуць, без мяне мяне жанілі. Але я не адбіваўся (І. Шамякін. Губернатар). Вяселле. А Галя ж яшчэ нічога не ведае. Сапраўды, як у прыказцы «без мяне мяне ажанілі» (С. Грахоўскі. Засвеціцца акно). – Тваю групу сальём пакуль што з групай Пацыкайліка, хай разам пазаймаюцца... Дык як?.. – Без мяне мяне ажанілі... – не знайшоў што сказаць [Віця] (П. Місько. Канал імя Віцькі Зайцава). – Прыказкі, кн. 2, с. 36: Без мяне мяне жанілі; Без мяне мяне жанілі, мяне дома не было. Без начыння і лапця не спляцеш. Без належных прылад ніякай справы не зробіш. Сін.: Без струманту і вошы не заб'еш. – А як жа яго зламалі? – Кажуць жа, пані, што без начыння і лапця не спляцеш. А ўсялякае начынне пры рабоце псуецца. Вось так і панскі сцізорык. Хацелі пану на боты злупіць з выжла шкуру, узялі сцізорык. Але на панскім выжле вельмі ж моцная шкура была. Ну, сцізорык і зламаўся (З народнай казкі «Як Сцёпка з панам гаварыў»). – Прыказкі, кн. 1, с. 149: Без начыння і лапця не спляцеш. Без падпалу дровы не гараць. Без чыіх-н. нагавораў, даносаў не абвастраюцца спрэчкі, сваркі, непрыязныя адносіны паміж людзьмі. – Можа, даўно замужам былі б, каб не гэтакі брат. Можа, ніхто і браць не квапіць з гэтакае хаты. – А што яны вінаваты! – І старэйшая гэтакая самая. Яна ж і памагала яму нябожчыцу грызці: усё ж і падвучвала, а без падпалу дровы не гараць (К. Чорны. Ліст Якуба Малькевіча). – Насовіч, с. 5: Без паджогі дровы не гараць; Янкоўскі, с. 181: Без падпалу дровы не гараць; Рапановіч, с. 12: Без падпалкі і дровы не гараць; Прыказкі, кн. 1, с. 150: Без паджогі дровы не гараць; Без падпалкі дровы не гараць. Без працы не будзеш есці калачы. Гл. Без працы не будзеш есці коляцы (калачы
Дадатковыя словы
забеш
1 👁