ß– Насовіч, с. 193: Які куст, такі і адростак; Раманаў, с. 315: Які куст, такі і парастак; Прыказкі, кн. 2, с. 128: Які куст, такі і адростак; Які куст, такі і парастак. Які музыка, такая і музыка (такое і гранне). У кожнага атрымліваецца тое, чаго ён варты, на што ён здольны. Сін.: Якая заслуга, такая і пашана; Якая на свінні шэрсць, такая ёй і чэсць; Якая птушка, такое і гняздзечка; Якая справа, такая і слава; Які госць, такое і частаванне; Якія самі, такія сані. [Карузлік:] Хачу залаты дождж!.. Хм, не атрымалася з першага разу. Паспрабуем зноў. [Дзяўчынка:] Які музыка – такая і музыка! (С. Кавалёў. Хохлік). – Прыказкі, кн. 2, с. 197: Які музыка, такое і гранне. Які пан, такі і слуга. Які начальнік, такі і падначалены. Сін.: Які поп, такі і прыход. Аж палягчэла на душы, як бы ачысціўся ад нечага бруднага, што нёс з сабой і хацеў выліць вунь на тых няшчасных маладзіц, якія пад спякотным небам не разгінаюць спіны. Святую праўду гаварыў некалі Яўхімаў бацька: «Які пан, такі і слуга» (У. Ліпскі. Невядомы). – Федароўскі, с. 216: Які пан, такі слуга. Які поп, такі і прыход. Які начальнік, такія і падначаленыя. Сін.: Які пан, такі і слуга. Калі Рудольф неяк спытаў: «Як вы пачуваеце сябе сярод нашых людзей?», я адказаў, што мы і не спадзяваліся на такую ўвагу, добразычлівасць, шчырае, сардэчнае апякунства. А Ліля дадала: «Які поп, такі і прыход» (С. Законнікаў. Вячэра пад райскім дрэвам). Кажу пра гэты малазначны выпадак, каб яшчэ раз прыгадаць народную мудрасць: які поп – такі і прыход. Людзі заўсёды імкнуцца быць падобнымі на свайго куміра, а падначаленыя – на свайго кіраўніка, незаўважана, міжволі пераймаюць ягоныя звычкі, ягоны стыль (В. Блакіт. Уваскрасенне ўчарашняга дня). – Насовіч, с. 194: Які поп, такі яго й прыход; Ляцкі, с. 62: Які поп, такі і прыход; Федароўскі, с. 240: Які поп, такая парахвія. Які прывет, такі прыём. Як ставяцца да цябе, так трэба ставіцца і да іх. Прыход Марыны пана ўзрушыў... «Пся крэў, а ладная кабета! Як гляне, проста кіне злот. Паможам ёй за адно гэта». І ён прыжмурыўся, як кот, і нават рыжы вус пакратаў, зірнуўшы ўкрадкам на свой дом. Які прывет – такі прыём. Які тавар – такая плата (Я. Колас. Рыбакова хата). – Янкоўскі, с. 245: Які прывет, такі прыём. Які Хомка, такая яго жонка. Гл. Які чорт Хомка, такая яго жонка
0 👁