Ñжуць, сквапнасць фраера згубіла... Атавар гэтыя грошы ці перавядзі куды-небудзь за бугор, як гэта робяць вопытныя мммэшнікі, любавацца б хлопцам экзотыкай з акон уласных катэджаў дзе-небудзь на Кіпры... (Вожык. 1977. № 4). Чуткі пра правяральшчыкаў з хуткасцю радыё разнесліся па ўсіх кутках. Гандляры сталі абачлівымі... Ды сквапнасць фраера згубіла. Ля чарговай палаткі «дэльтанцаў» чакалі дужыя хлопцы з някупленымі пасведчаннямі (У. Правасуд. Квартэт). – Даруйце... Я спазніўся. Неабходна было з'ездзіць, а трамвай гэтак павольна... – Чаму не злавіў таксі? – Дык... а дзе ж... пакуль зловіш... – Сквапнасць фраера згубіла (У. Клімковіч. Не жартуй з кампосцерам). Скончан баль – і дудкі ў торбу. Гл. Закончан (скончан) баль – і дудкі ў торбу. Скончыў (кончыў) дзела – гуляй смела. Гаворыцца з адабрэннем пра выкананне працы і заслужаны адпачынак. У мяне парадак такі: скончыў дзела – гуляй смела (І. Шамякін. У добры час). Раней, бывала, Шаргун, сцягваючы з рук у канцы рабочага дня брызентавыя рукавіцы, казаў: «Скончыў дзела – гуляй смела» (М. Гіль. Вяртанне). – Кончыў дзела – гуляй смела. – Правільна, мой хлопчык (А. Цяжкі. Дзе мой дом?). Прысеў да тэлефона, набраў дамашні нумар. – Прывітанне, Алёшка. Урокі зрабіў? Не пачынаў? Чаму? Салдацікі пачакаюць, выхадны, кажаш, вялікі... Помніш угавор? Во-во. Кончыў дзела – гуляй смела. Дзела, сынок, найперш (І. Макаловіч. Рэха даўняй стычкі). – У мяне электрычка праз гадзіну. – І цудоўна, Яўхім Назаравіч. Праедзем разам. Думаю, што вы не супраць? – Чаго ж, калі для дзела трэба! Яно павінна быць усюды так: кончыў дзела – гуляй смела (М. Парахневіч. Прыгарадная камандзіроўка). – Ляцкі, с. 18: Кончыў дзела – гуляй смела; Прыказкі, кн. 1, с. 179: Кончыў дзела – гуляй смела. Скора каты робяцца, ды сляпыя родзяцца. Гл. Хутка (скора) каты робяцца, ды сляпыя родзяцца. Скора састарышся, як усё будзеш ведаць. Гл. Будзеш усё ведаць, хутка пастарэеш. Скоры паспех – людзям на смех. Гл. Паспех – людзям на смех. Скрыплівае дрэва доўга скрыпіць. Гл. Скрыпучае (скрыплівае) дрэва доўга скрыпіць (стаіць). Скрыпучае дрэва жывучае. Гл. Скрыпучае (скрыплівае) дрэва доўга скрыпіць (стаіць
Дадатковыя словы
зездзіць
0 👁