Тлумачальны слоўнік прыказак (2011). І. Я. Лепешаў, М. А. Якалцэвіч

Ñ– Ліцвінка, с. 121: Сем гадоў мак і ўкроп не радзілі, а голаду не было. Сем гадоў нявестка жыла, а не ведала, што сучка свёкрава без хваста. Кажуць іранічна пра таго, хто не ведае чаго-н. простага, бясспрэчнага, агульнавядомага. – Хм, кукуруза – кіёўкі? – А нягож... – Свякруха хітнула галавой, пасміхнулася. – Во, сем гадоў нявестка жыла, а не ведала, што сучка свёкрава без хваста... (А. Масарэнка. Свякруха і нявестка). Сем гадоў (год) нявестка жыла замужам і не ведала, што ў свёкра сучка без хваста. – Хто яна, гэтая самая Прытыцкая? – Як хто? Ты як тая нявестка ўсё роўна: сем год жыла замужам і не ведала, што ў свёкра сучка без хваста. Прытыцкай не ведаеш? (Я. Ермаловіч. Пачыналася вясна). – Федароўскі, с. 202: Сем лет нявестка была, а не ведала, што сучка без хваста. Сем гадоў нявестка жыла замужам і не ведала, што ў свёкра сучка без хваста. Гл. Сем гадоў нявестка жыла, а не ведала, што сучка свёкрава без хваста. Сем разоў адмерай, адзін раз адрэж. Функц. не зам. Перш, чым зрабіць што-н. сур'ёзнае, старанна абдумай. У важных пытаннях Філатовіч трымаўся прымаўкі: сем разоў адмерай, адзін раз адрэж (М. Паслядовіч. Цёплае дыханне). – Тут працуюць і другія групы, кантралююць нас, а мы іх... – Гэта закон вайны... Сем разоў адмер, адзін раз адрэж (Р. Няхай. Туман над стэпам). – Дык мо іншым разам памяркуем?.. – Канечне, тут сем разоў адмерай – адзін раз адрэж (А. Капусцін. Зярняты на далоні). Перш чым рабіць, трэба падумаць. Народ гэта даўно зразумеў. Сем разоў адмерай, адзін раз адрэж. І ўся мудрасць (Л. Левановіч. Зямля і людзі). Там, у візіры, праглядвалася сузор'е накшталт Арыёна-прыгажуна – таго самага, аб якім так хораша пісалі паэты. Але ці сапраўдны Арыён гэта? «Сем разоў адмерай – адзін раз адрэж», – згадалася раптам прыказка... (М. Панасюк. Арыенцір – сузор'е Арыён). Сем разоў (раз) адмерай, а раз адрэж. [Маша:] Мусіць, яшчэ раз хочуць паглядзець, што-небудзь паправіць. Сем раз адмерай, а раз адрэж. Куды спяшацца? (І. Гурскі. Чужы хлеб). Прымаўку «Сем разоў адмерай, а раз адрэж» звычайна ўспамінаюць не перад тым, як узяцца штонебудзь рабіць, а пасля таго, як работа зроблена, і прытым кепска (Б. Сачанка. Манпансье з гарчыцаю). * Яго асцярожнасць, разважлівасць, уменне «сем разоў адмераць, пакуль рэзаць» хораша ўраўнаважвала яго, Максімаву, выбу