Ïшай, якія саўгас выдзяляе на дарогу. – Плачучы, рота не паправіш, – казаў Вічу Скакалаў (У. Навумовіч. Такое бывае аднойчы). * «Тады, дзеду, іграйце адразу вясёлае? Добра?» Дзед Мікіта, трымаючы перад тварам сваю «пісклю», усміхнуўся, – ужо без хітрасці, а неяк крыва. «З песні, Даніла, слова не выкінеш, – сказаў ён, – а плачучы рота ніхто не паправіць». Над лугам загаласіла – той самай жніўнаю песняй – жалейка. Сіратлівая, сумная песня!.. (Я. Брыль. Сірочы хлеб). – Янкоўскі, с. 111: Плачучы, рота не паправіш. Плёткай абуха не пераб'еш. Гл. Пугай (плёткай) абуха не пераб'еш. Плюй на ўсё і шануй (беражы) сваё здароўе. Гаворыцца як парада не зважаць на якія-н. непрыемнасці. Іванок Перагуд карыстаўся славаю дзівака і філосафа. Асноўная формула яго філасофіі казала: «Плюй на ўсё і шануй сваё здароўе»... – Не мяшаюся ў жыццё.., няхай яно ідзе, як ідзе. Плюй на ўсё і шануй сваё здароўе (Я. Колас. На ростанях). [Ян Серафімавіч – Агею Мінавічу фамільярна:] Усё гэта дробязі. Плюй на ўсё – беражы здароўе! (Э. Валасевіч. Бывайце здаровы). Пойдзеш нацянькі – праходзіш тры дзянькі. Гаворыцца з неадабрэннем пра таго, хто ідзе ці едзе куды-н. напрасткі, нацянькі. Сін.: Крывая дарога з простай смяецца; Напрасткі адна варона лятае, затое ніколі дома не бывае; Хто прамікуе, той дома не начуе. – Ну і замучыўся! – бухае на зямлю лодку... Сухапутнае падарожжа Лявона Кірэя з лодкай на плячах пацвердзіла народную мудрасць: «Пойдзеш нацянькі, праходзіш тры дзянькі» (Г. Пашкоў. Палескія вандроўнікі). Аднойчы ўзімку нейкае тлумленне на яе найшло. Дзесьці і блукала, не натрапіла на сцежку, што вяла дадому. Нездарма прымаўка ёсць: «Пойдзеш нацянькі – праходзіш тры дзянькі!» (С. Лобач. Затрымацца на гэтым свеце). – Прыказкі, кн. 1, с. 278: Пойдзеш нацянькі – згубіш тры дзянькі; Пойдзеш нацянькі – будзеш ехаць тры дзянькі; Янкоўскі, с. 231: Пайшла нацянькі, хадзіла тры дзянькі; Аксамітаў, с. 51: Калі пойдзеш нацянькі, дык праходзіш тры дзянькі. Покі сонца ўзыдзе, раса вочы выесць. Гл. Пакуль (покі) сонца ўзыдзе, раса вочы выесць. Покуль з багатага пух, то з беднага дух. Гл. Пакуль (покуль) з багатага пух, то з беднага дух. Поначы ўсе каты шэрыя. Гл. Ноччу (поначы) усе каты (кошкі) шэрыя
Дадатковыя словы
перабеш
0 👁