ÄДзяды не зналі бяды, а ўнукі набраліся мукі. Часам лічаць, што раней, у мінулыя гады, было, жылося лепей, чым цяпер. [Панас:] Мой сынок, ці мне ўжо дужацца! Чакаю толькі веку, дамавіны магільнай. Пабачыць бы сёлетняе збожжа, каб спачыць з ціхай мыслю аб спрацаваных унуках. [Саўка:] Дзяды не зналі бяды, а ўнукі набраліся мукі! (М. Грамыка. Змітрок з Вялікай Буды). Нашы дзяды не ведалі бяды, іх унукі спазналі мукі. Парвалася пупавіна паміж дзецьмі і бацькамі. І падаюць, спяшаюцца хутчэй адысці на той свет бацькі... Сапраўды, нашы дзяды не ведалі бяды, іх унукі спазналі мукі (В. Казько. Да сустрэчы). – Прыказкі, кн. 1, с. 444: Нашы дзяды не зналі бяды, але ж унукі набраліся мукі; Дзяды не зналі бяды; насталі ўнукі, набяруцца мукі; Дзяды не зналі бяды, а ўнукі даждаліся мукі; Федароўскі, с. 93: Дзяды не зналі бяды, але ўнукі зажываюць мукі. Дзяк не поп, бярэ і боб. Гаворыцца з асуджэннем пра прагнага чалавека, які нічым не грэбуе. [Лена:] Як табе не брыдка? Ты ж ад мамы ўсё грабеш! Пра цябе ж сказана: дзяк не поп, бярэ і боб! (М. Гіль. Развод). – Ляцкі, с. 14: Яна не поп, бярэць і боб; Янкоўскі, с. 278: Іван не поп, бярэ і боб. Дзякуй гэтаму дому, пайшлі (пойдзем) к другому. Гавораць, часам жартаўліва, пры развітанні перад адыходам, ад'ездам куды-н. Васіль прывычна агледзеў аўтамат, праверыў затвор. Усё як мае быць, нават магазін поўны. – Забагацею – разлічуся, – павярнуўся ён да старшыні... Ну што ж, дзякуй гэтаму дому, пайшлі к другому (А. Кажадуб. Даўгі нашы). – Прыказкі, кн. 1, с. 403: Спасіба гэтаму дому, пойдзем к другому. Дзякуй гэтаму столу, а мы пойдзем дадому. Развітальнае выказванне пасля гасцявання. І пакуль тое яшчэ далёкае, запаўночнае «Дзякуй гэтаму столу, а мы пойдзем дадому!», пакуль гаспадарлівае: «То выбачайце: што кепскае, то не мы!» – усё новыя і новыя слоўцы і жартачкі гучаць над бяседным сталом дома пад таполяй (А. Лойка. Як агонь, як вада). – Выслоўі, с. 147: Дзякуй гэтаму столу, пойдзем к свайму дому. Дзякуй на хлеб не намажаш. Адной падзякай не адкруціцца. Часцей жартаўліва-іранічны адказ на слова «дзякуй». Успомнілася народнае: «Дзякуй на хлеб не намажаш». І таму дасылаю квіток з аплатай. Разумею – мала. Але паверце, на большае ваша «рэкляма» не цягне (А. Пісьмянкоў. Дзякуй за «рэкляму
Дадатковыя словы
адездам
0 👁