справу сваю, отчувае сябе хазяінам на малатарні. Пудзіцк Пух. МАЛАЦІЛКА ж. Малатарня. Звозяць снапы, складаюць сьцірту, некаторыя сьцірты зьверху саломай накрываюць і стаіць, пакуль не падгоняць малацілку ды не абмалоцяць. Дукора Пух. МАЛАЦІЎКА ж. Тое, што і малацілка. У яго была свая малаціўка, мы ў яго малацілі. Цялякава Уздз. МАЛАЦЬБІК м. Тое, што і малатаршчык. Хведар малацьбік добры, хутка малоціць. Вецярэвічы Пух. МАЛЕБЕНА ж. Рэліг. Малебен. От каб гэту штуку [тэлевізар], некалішнія як жылі людзі, занёс у балота, божа мой, што было папоў ба, ксяндзоў, якая была ба малебена! Нячыстая сіла, сказалі ба. Мікольцы Мядз. МАЛЕНЧЫЦЦА незак. Паводзіць сябе, як малое дзіця. Вялікія дзеўкі, а ўсё маленчацца, рабіць нічога ня хочуць. Каменка Уздз. МАЛЕСЕНЬКІ прым. Малюсенькі. Вунь каля хаты малесенькія дзічкі растуць, яшчэ і няма на іх нічога. Пудзіцк Пух. МАЛЕЦ м. Хлопец, юнак. Ну, угаварылі мальца ўзяць дзеўку. Восава Круп. МАЛЕЧКА прысл. Зусім мала. Малечка во гэтак во зрабіў і ўжэ плату просіць. Цялякава Уздз. МАЛЁЎКІ мн. Акварэльныя фарбы. Гэта ж унук прасіў купіць малёўкі яму, калі ў горат паеду. Мушанка Віл. МАЛІЗА ж. Бат. Меліса (Melissa L.). А тут за хатай малізы дужа многа расьцець, і так яна пахнець, калі ў руках патрэш. Плябанцы Віл. Пчолкі вельмі любяць запах малізы, лятуць на яе. Калодкі Віл. МАЛІМОНАЧКА ж. Памянш. Какетка. А яна і грубая ўжо хадзіла і такая малімоначка была, не раз ад мужа даставалася за гэта. Баяры Віл. МАЛОЖЫ прым. Тое, што і малажэйшы. Ён на два гады маложы за яе. Рубанікі Мядз. МАЛОЧНІК м. Малочны зуб. Малочнікі ў чатыры, у шэсьць месяцаў праразаюцца, як у каторага дзіцяці. А бывая, што і ў год малочнікі йдуць. Мікалаеўшчына Стаўб. МАЛЫ прым. ◊ Без малога — амаль, ледзь. Я, брат, на тым тыдні без малога не забіўсё. Трактар як рвануў, я — аб лёд галавою. Пашанцавало, што аддзелаўсё сіняком. Савоні Стаўб. Малая стрэлка — стрэлка, якая адлічвае гадзіны. У мяне ў ходзіках малая стрэлка адвальваецца, а так часэ добрыя. Мікалаеўшчына Стаўб. Малы барыш — бытавы абрад знаёмства жаніха і яго сваякоў з нявестай. Спачатку жаніх ідзе выглядаць у хату, з гарэлкай ідзе. Вып'юць гарэлку — гэта ўжо малы барыш. Мільча Віл. МАЛЬГА ж. Зб. 1. Дробная рыбка, малёк. Малыя рыпкі, або мальга, паяўляюцца ня толькі вясной, але і летам, і восеньню. Пруды Стаўб. Во колькі мальгі развялося, увесь берах ахлінулі. Ляшчынск Мядз. 2. перан. Падлеткі. Ай, якая ў нас маладзёш! Адна мальга, дзеці. Нізок Уздз. 3. Вусень. Гэты гот і на яблынях і на сьлівах аш чорна было, як усьсела мальга. Папырскаў — дзьве яблыні спаліў сусім. Ігрушка Круп. МАЛЬДАВАЦЬ незак. Рэгістраваць. Чаго ты ня прышоў? Перат сходам усіх прысутных мальдавалі. Барок Стаўб.; параўн. польск. meldować 'тс'. МАЛЬСТВА н. Маленства. Дзяцей трэба з мальства прывучаць к паратку. Жораўка Пух. МАЛЬТАН м. Мультан. Мальтан браць на рубашку сама лепяй: і носіцца добра, і цёплы. Пудзіцк Пух.; параўн. фр. molleton. МАЛЮК м. Зб. Рыбная драбяза. Мама, палянь, ён адных малюкоў нацягаў! Адны малюкі! Скамарошкі Стаўб. МАЛЮТАК м. Пяшч. Хлапчук. А ён малютак, канешна ш, быў нівазрослы, ні знаў нічога пра тое, што вінтоўка зараджана, зьвёў курок і стрэліў. Мядзел Мядз. МАЛЮФКІ мн. Набор каляровых алоўкаў. У кіёск прывезьлі малюфкі, купіла свайму ўнуку. Палессе Мядз. МАЛЯВАНІКІ мн. Тое, што і малёўкі. Маляванікі былі рузныя ў мяне, і я жалела іх свайму меншаму брату даваць. Сцебіракі Віл. МАЛЯРЭЯ ж. Мед. Малярыя. У баю с Калчаком мяне раніла. І мяне спісалі. У бацькоў праляжаў больш як гот: малярэя, курыная сляпата, потым на почкі забалеўшы быў. Партызанскі Віл. МАМІЛ м. Бат. Белы гарлачык; гл. булдоўка. Маміл у вадзе расьце. Маміл нашым дзяўчатам падабаяцца, дак усё хлопцаў просяць нарваць на букет. Скамарошкі Стаўб. МАМКА ж. Ласк. да мама. ∇ Слухаўшы мамку, ня мець жаніха. Кукалеўка Чэрв. МАМУЛЬКА ж. Ласк. да мама. А брат кажа: „Мамулька, аддадзім як людзей, і няхай жыве, як сама знае,і на нас не абіжаецца". Жары Віл. МАМЭРЛЯ ж. Павуцінне. На вокнах гардзіны вісяць, а за імі павук мамэрлю навіў. Вялікая Вуса Уздз. МАНДЭРА ж. Гатунак яблык (плод чырвоны з прыемным пахам). Мандэры на смак кіславатыя, але прыемныя і вельмі ж добра пахнуць. Ляшчынск Мядз. МАНЕЖАВАЯ МАЛАТАРНЯ. Малатарня, якая працуе ад коннага прывода. Былі, праўда, у некаторых і манежавыя малатарні, а большасць цапамі малацілі. Пудзіцк Пух. МАНЕРКА ж. Кубак. Купіла ўчора ў ма