Быў доктар у нас малады, ніжанаты. Пазнакоміўса зь некаю багатыркаю зь Нівы, бацька на караваи «Волгу» даваў, да кажа: «За такі падарак трэба, каб жонцэ кожны вечар ногі мыў». Дак як паехаў посьля вяселя, і ачэй ні кажа, ні хоча ні «Волгі», ні жонкі. Гр., Слуц. р. Гібею тут адна, німа каму куска хлеба прынесьці. І дачка вачэй ні кажа. Ходзь бы прыехала скарэй. Там жа. Як былі перат Кастрычніцкімі сьвятамі да паехалі, дак і ачэй ні кажуць, так запрацаваліса, што німа часу мацяру пераведаць. Бяр., Слуц. р. ВАЧЭЙ НЕ СПУСКАЦЬ з к а г о. Гл. НЕ СПУСКАЦЬ З ВАЧЭЙ (з воч) к а г о. ВАЧЭЙ НЕ СТЫКАЦЬ. Гл. НЕ ЗВЕСЦІ (не стыкаць) ВАЧЭЙ. ВАЧЭЙ ПАЗЫЧЫЦЬ (пазычыўшы) у к а г о. У САБАКІ ВОЧЫ ПАЗЫЧЫЦЬ. Незадав. Не саромеючыся, без усякага сораму. Купілі ў цёткі кабылку, далі тысячу за тую кабылку. Нека маленька была, сьляпая на анно вока. Адаля (потым) пабыла колькі тая кабылка, прышла цётка вачэй пазычыўшы адбіраць тую кабылу. Гр., Слуц. р. Гэто трэба вачэй пазычыць, кап туды паказацца. Я ні пайду, ідзеця вы. Сав., Стаўб. р. Ты гаворыш, што можна пайсьці і папрасіць. То можа ты і схадзіў бы, мне, дзе бачыў, пасьля ўсяго, што было, хіба пазычыўшы вачэй да іх ісьці. Там жа. Яна да міне ні пойдзе, хіба ў сабакі вочы пазычыць? Брахала, брахала й пойдзе? Н. Тур., Уш. р. ВЕДАЦЬ (знаць) ХАДЫ-ВЫХАДЫ. Ведаць вельмі добра, дасканальна (мясцовасць і інш.). Бабка Жучыха ў ягады хадзец, ведаіць усе хады-выхады. Ліцв., Карм. р. Матка мая знала ходы-выхады, а ўсё роўна раз заблудзіла. Там жа. І за мной пашлі чалавек сто парцізанаў (я добра ведала ходы-выхады па гэтым леся), ведалі, што я ні саб'юся с плана, куды йсьці, кап фашыстам ні папасьціся. Сіц., Пух. р. У гэтум лесі я ведаю ўсе хады-выхады, ні заблуджуся. Сав., Стаўб. р. ВЕДАЦЬ ЧЫМ ПАХНЕ. Загадзя прадбачыць вынікі якой-небудзь справы, учынку, дзейнасці. Крадуць салому ўсе, хто хоча, і ведаюць чым гэто пахня. Гал., Стаўб. р. Яе Коля нешто набіваяцца на дружбу. Чаму не? Выгадно, ведая чым пахня. Сав., Стаўб. р. ВЕДАЦЬ ЯК ПАЦЕРЫ ш т о. Добра, дасканала ведаць што, выдатна разбірацца ў якой-небудзь справе.