ска, бяры і прадзі... Калі я залішне ахаю ад бацькавага ўмельства, ён кідае: «Добра ўсё ўмець, ды не ўсё рабіць»... (П.Місько. Не ў явар, а ў камень). У Алесі., пякучым страхам зайшлося сэрца: што з ім і дзе ён, Змігрык? — Ці вінаваты ён, што благога зрабіў? — з жалем спытала ў бацькі. — Добра, кажуць, усё ўмець, ды не ўсё рабіць. Не трэба было сунуцца ў палітыку... (В.Адамчык. Год нулявы). — Прыказкі. Добра ўсё ўмець, але не ўсё рабіць; Дай божа ўсё ўмець, ды не ўсё рабіць. ДОБРАЯ СЛАВА ДАЛЁКА ІДЗЕ, А КЕПСКАЯ (ЛІХАЯ) ЯШЧЭ ДАЛЕЙ ЛЯЦІЦЬ. Дрэнная слава распаўсюджваецца хутчэй і далей, чым до- брая. Ужываецца як адмоўная ацэнка чаго-, каго-н. дрэннага. Сім.: Добрае далёка чуваць, а дрэннае яшчэ далей; Добрая слава на паліцы ляжыць, а благая па дарожцы бяжыць. — Старшынёй калгаса тады тут быў нейкі Савіч. — Дзіва што! — Вось бачыце, — прадаўжала Алена Паўлаўна. — Добрая слава далёка ідзе. а кепская яшчэ далей ляціць (А.Бялевіч. З азёрнага краю). Сурмілу у Забор'і рэдка хто нават у твар бачыў, але, як кажуць, добрая слава далёка ідзе, а ліхая — яшчэ далей, таму вёска па- сля столькіх дзён непрыемнасцей уздыхнула з палёгкаю: слава богу, за- станецца Кунцэвіч, нават Піліпавіч!»! прагаласавалі за Кунцэвіча (В.Блакіт. Шануй імя сваё). — Янкоўскі: Добрая слава далёка чуваць, а кепская яшчэ далей. ДОБРАЯ СЛАВА НА ПАЛІЦЫ ЛЯЖЫЦЬ, А БЛАГАЯ ПА ДАРОЖЦЫ БЯЖЫЦЬ. Добрае пра чалавека можа застацца і невядомым, а дрэнная слава распаўсюджваецца хутка. Ужываецца як адмоўная ацэнка чаго-, каго-н. дрэннага. Сін.: Добрае далёка чуваць, а дрэннае яшчэ далей; Добрая слава далёка ідзе, а кепская яшчэ далей ляціць. Ігар Леанідавіч заду- маўся. Атрымліваецца, як у той прымаўцы: добрая слава на паліцы ля- жыць, а благая па дарожцы бяжыць. Да сакратара парткома дайшло (І.Скарынкін. Рэзерв камбата). — Раманаў. Харошая слава ў лукошцы ляжыць, а худая па дарожцы бяжыць. ДОБРЫ ГАСПАДАР І САБАКУ З ДВАРА (З ХАТЫ) НЕ ВЫГАНІЦЬ Ў ТАКУЮ НЯГОДУ (У ТАКОЕ НАДВОР'Е, У ТАКІ ДЗЕНЬ). Кажуць таму, хто ў вельмі дрэнную пагоду хоча ісці куды-н. ці прыйшоў адкуль-н. Куды ты паедзеш? Паглядзі, што робіцца на дварэ? Дзвярэй нельга адчыніць. Добры гаспадар сабаку з двара не выганіш» у такі дзень (І.Шамякін. Завіруха). Ну і дождж!.. Агонь то весела патрэскваў, то ўздыхаў з парывамі ветру. «У такое надвор'е добры гаспадар, — казала мая маці, — і сабаку з хаты не выганяе» (М.Танк. Лісткі календара). — Як жа ты дабраўся? — запытаў Ляўкоў. — Гэта ж добры гаспадар у та- кую нягоду і сабаку не выганіць (С.Грахоўскі. Рудабельская рэспубліка). — Прыказкі: У паганую пагоду добры хазяін і сабаку з двара не гоніць. ДОБРЫ ПАЧАТАК — ПАЛАВІНА СПРАВЫ. Кажуць з задавальненнем, калі паспяхова пачалася якая-н. справа. [Краскін:] Ну, таварыш ка- мандзір, першы крок для фарсіравання Прыпяці зроблен — дарога да яе праложана. [Шалёхін:] Ну, а далей што? [Краскін:] Добры пача- так — палавіна справы, таварыш камбат (Я.Колас. У пушчах Палесся). Даўно сказана, што добры пачатак — палавіна справы. Ва ўсім — вялікім, малым, самай найменшай дробязі. Важна толькі ўдала пачаць, зрушыць з месца, а там — паказвай кірунак, не разгубіся перад цяжкас- цямі, што сустрэнуцца на дарозе... (В.Праскураў. Святая сівізна). — Прыказкі: Добры пачатак — палавіна справы. 72