Цвярозы. Што ў цвярозага ў галаве (на розуме), то (тое) у п'янага на языку. Цела. Свая кашуля (сарочка, рубашка) бліжэй да цела. У здаровым целе — здаровы дух. Чужы кажух цела не грэе. Церабіць. Ранні зайчык зубкі цярэбіць, а позні вочкі прадзірае. Ранняя птушка (птушачка, пташачка) зубкі (крылкі) цярэбіць, а поз- няя вочы працірае. Цесля. Каб не клін ды не мох, дык (то і) цясляр (цесля, плотнік) бы па- дох (здох). Цесна. Дзе цесна, там пацешна. Цесната. У цеснаце, ды не ў крыўдзе. Цешыцца. Мілыя сварацца — толькі цешацца. Цешыўся старац, што перажыў марац, ажно ў маю нясуць яго да гаю. Чым бы дзіця не цешылася, абы (толькі б) не плакала. Цёлка. З якой лысінкай цёлка нарадзілася, з такой і здохне. Цёмны. Чужая старана — цёмны лес. Цётка. Голад не цётка. Чакай, цётка, Пятра — будзеш сыр есці. Ціха. Ад ліха ціха, а дабра не чуваць. Еду ціха — са мной ліха, еду скора — са мной гора. Не дражні ліха, пакуль ціха. Не чапай ліха, калі спіць ціха. Ціхі. У ціхай вадзе чэрці водзяцца. У ціхім балоце чэрці водзяцца (вядуцца). Ціхая вада берагі мые. Ціхая вада грэблю рве. Ціхая свіння глыбока рые (капае). Ціхая свіння глыбокі корань рые. Цішком. На воўка памоўка, а мядзведзь цішком. Цішэй. Цішэй едзеш — далей будзеш. Цыган. За кампанію і цыган павесіўся. Кожны (усякі) цыган сваю кабылу хваліць. Цыганскі. Абыдзецца без марцыпанаў цыганскае вяселле. Цэбар. Вясною вядро (кораб, цэбар) вады, а лыжка гразі, а восенню лы- жка вады, а вядро (кораб, цэбар) гразі. Цэліцца. Лістам сцелецца, а ўкусіць цэліцца. Цэп. Брахаць — не цэпам махаць. Пакуль у (на) гумне цэп, патуль (датуль) на стале хлеб. Цябе Гл. ты. Цягаць. Цягаў (цягнуў) воўк, пацягнулі і воўка. Цягнуць. Воўчы дух (воўчае насенне) да лесу цягне. Каторы конь цягне, таго і паганяюць. Пан за пана цягне (верне). Усякі (кожны) чорт на сваё кола ваду цягне. Цераз сілу і конь не цягне. Цягаў (цягнуў) воўк, пацягнулі і воўка. Чорт за чортам (за д'ябла) цягне. Як ваўка ні кармі, а яго ў лес цягне. Як воўка ні кармі, а яго ў лес цягне. Цяжка. Горка рэдзька, ды ядуць, цяжка (дрэнна, ліха) замужам, ды ідуць. Цяжкі. Свая сярмяжка не цяжка. 344