Не ты першы, не ты апошні. Не шукай бяды, яна сама цябе знойдзе. Скажы мне, з кім ты знаёмы, і я скажу, хто ты. Скажы мне, хто твае сябры (твой сябра, твой друг), і я скажу, хто ты. Ты з варот, а ён цераз плот. Ты на гару, а чорт за нагу. Ты яго маслам маж, а ён дзёгцем смярдзіць. Ты яму «стрыжанае, а ён табе «голенае. Хто ў боб, а хто ў гарох а хто (ты) у сачыўку. Шануй каня дома, а ён цябе ў дарозе. Тыдзень. Дзень з алеем, а тыдзень так галеем. Едзеш на дзень, бяры хлеба на тыдзень. Тым. Чым багаты, тым і рады. Чым далей у лес, тым болей (больш) дроў. Чым хата багата, тым і рада. Чым чорт не араў, тым і сеяць не стаў (не будзе). Тын. Які дуб, такі і тын, які бацька, такі і сын. Тысяча. Куляй у аднаго пацэліш, а трапным словам у тысячу. Тытунец. Калі курэц, то насі люльку і тытунец Кожны курэц павінен мець свой аганец і тытунец. Убачыць. Лепш (лепей) адзін раз убачыць (пабачыць), чым сто разоў пачуць. Пажывём — пабачым (убачым). Убірацца. Калі не поп, дык не ўбірайся ў рызы. Не поп, не ўбірайся (не прыбірайся) у рызы. Убіцца. Убіўся ў вароны, каркай так, як і оны. Уважаць. Не ўважай на ўраджай, а жыта сей. Уваліцца. Не капай другому яму, сам у яе ўвалішся. Увесь. Адзін за ўсіх і ўсе за аднаго. Адзін з'еш хоць вала, дык адна хвала а пакрысе, ды ўсе. Адна паршывая (шалудзівая, паганая) авечка (аўца) увесь статак (гурт, усю чараду) псуе (сапсуе). Бойся быка спераду, каня ззаду, а дурня — з усіх чатырох бакоў. Будзеш усё ведаць, хутка (скора) пастарэеш (састарышся, стары зробішся). Вайна ўсё спіша. Гавары, ды не усё дагары. Дай божа, каб усё было гожа, а што нягожа — не дай божа. Добра ўсё ўмець, ды не ўсё рабіць. Еш селядца з галавою, за ўсё грошы плачаны. Злодзей хоць вуглы пакіне, а агонь усё забярэ. Зямля святая ўсіх прымае. Кума куме, дый пайшло па ўсім сяле. Кума (кум) куме, а кума па ўсім сяле. Мая душа не крывая, усё прымае. На вяку (жывучы) усяго нажывеш — і Кузьму татам назавеш. На сонца ўсе роўна глядзім, ды не ўсе роўна бачым. Не ўсё (не заўсёды) кату масленіца прыйдзе і вялікі пост. Не ўсё тое золата, што блішчыць. Ноччу (поначы) усе каты (кошкі) шэрыя. Прыйшла Прачыстая — усё поле чыстае. Скажы курыцы, дык яна па ўсёй вуліцы. Скора састарышся, як усё будзеш ведаць. 337