У людзей пытай і свой розум май. Хто пытае, той не блудзіць. П'яніца. П'яніца праспіцца, а дурань ніколі. П'яны. Калі п'яны (як п'ян), дык капітан, а калі (як) праспіцца, дык свінні баіцца. П'янаму і мора па калена. Што ў цвярозага ў галаве (на розуме), то (тое) у п'янага на языку. Пяро. Лёгкае пяро, ды на страху не закінеш. Што напішаш (напісана) пяром, то не вырубіш (не высечаш) тапа- ром. Пята. Вышэй пят не падскочыш. Пятро. Чакай, баба, Пятра — будзеш сыр есці. Чакай Пятра — сыр (сыру) з'ясі. Чакай, цётка, Пятра — будзеш сыр есці. Пятрок. Прыйшоў Пятрок — апаў лісток; прыйшоў Ілья — апала два. Пятрусь. Янка ківае на Петруся, а Пятрусь на Янку. Пяць. Варона з куста, а пяць на куст. Пячы. Калі абора цячэ, гаспадыня бліны пячэ, а калі гумно цячэ, гаспа- дар з хаты ўцячэ. Пяяць. Плакаў, плакаў — усё бог аднакаў, пачаў пяяць (спяваць) — стаў бог даваць. Раба. Сама сябе раба б'е, калі (што) нячыста жне. Рабіць. Адна ластаўка вясны не робіць. Добра ўсё ўмець, ды не ўсё рабіць. Калі робіш у купе, не баліць у пупе. Рабіць у купе — не баліць у пупе. Хто не робіць, той не есць. Хто нічога не робіць, той не памыляецца. Хто робіць, той і мае. Работа. Ад (з) работы коні дохнуць. Гультай за работу — мазоль за руку (мазалі за рукі). Работа дурняў (дурня, дурных) любіць. Работа не заяц, не ўцячэ. Работа (праца, справа) не воўк, у лес не ўцячэ (не збяжыць, не пабя- жыць). Работы ніколі (век) не пераробіш. Увосень — работ восем. Рабро. Сівізна ў валасы, а д'ябал у рабро. Рабрына. Сівізна ў бараду, а чорт у рабрыну. Рабы. Восень на рабым кані ездзіць. Ласка панская на рабым (дохлым) кані едзе. Радасць. Абяцанка-цацанка, а дурню радасць. Абяцанкі-цацанкі, а дурню (дурному) радасць. Госць на парог — радасць у хату. Старасць не радасць а горб не карысць. Радзіны. Смерць і радзіны не выбіраюць гадзіны. Радзіцца. Была б дзеўка, ды певень запеў, як радзілася. Дзе воўк радзіўся, там і куст яму міл. Дурняў не аруць, не сеюць, яны самі родзяцца. Не радзіся красны, а радзіся шчасны. Яшчэ той не радзіўся, каб усяму свету згадзіўся. Радзіць. Гара радзіла мыш. Дарагая тая хатка, дзе радзіла (нарадзіла) мяне матка. 318