Пакрысе. Адзін з'еш хоць вала, дык адна хвала а пакрысе, ды ўсе. Пакуль. Гэта пакуль кветачкі, а ягадкі наперадзе. Палавіна. Грамніцы — палавіна зіміцы. Добры пачатак — палавіна справы. Палаткі. Калядкі — добрыя, святкі: пад'еў ды на палаткі. Палезці. Жывы (жывым) у зямлю (у магілу, у ямку) не палезеш (не ля- жаш). Палена. Паспытала свіння палена, памятае, дзе паела. Палец. Марац адмарозіць палец. Чужую бяду рукамі (і пальцам) развяду. Паліца. Добрая слава на паліцы ляжыць, а благая па дарожцы бяжыць. Палка. Захацеўшы сабаку выцяць, палку знойдзеш. Захочаш сабаку выцяць (ударыць) — палку (кій) знойдзеш. Свату першая чарка і першая палка. Хто палку ўзяў, той і капрал. Палова. Адзін сын — не сын, два сыны — палова сына (паўсына), тры сыны — сын. Палюбіць. Любіў добрае, палюбі ж і злое. Працу палюбіш — чалавекам будзеш. Паляванне. Не тады сабак кормяць, як на паляванне ісці (ехаць). Паляк. Дажыліся (дажылі) казакі (палякі), што ні хлеба, ні табакі. Паляцець. Першая чарка калом, другая сакалом, а трэцяя сама ўляціць (астатнія паляцяць дробнымі птушачкамі). Памагаць. Дома і вуглы памагаюць. У сваёй хаце (у сваім доме) і вуглы (сцены) памагаюць. Памагчы. Не можаш памагчы, дык лепей памаўчы. Рукі пабрудзіш — вадою адмыеш, душу забрудзіш — і мыла не па- можа. Слязамі (слязьмі) гору (бядзе) не паможаш. Хто не ўтрымаўся за грыву, таму і хвост не паможа. Памаленьку. Прыйшоў Мікола, не пытай ні ў кога, бяры сявеньку і (ды) сей памаленьку. Памалу. Памалу едучы, далей будзеш. Памаўчаць. Дай божа ў добры час сказаць, а ў ліхі (нядобры) памаўчаць. Не можаш памагчы, дык лепей памаўчы. Чыя б кароўка (карова) мычала, а твая (чыя) б маўчала (памаўчала). Памачыцца. Вады не засіліш не паварушыўшыся, рыбкі не зловіш не па- мачыўшыся. Памерці. Век жыві — век вучыся а дурнем памрэш. Круці не круці (не вярці), а трэба памерці. Пакуль сыты пахудзее, дык худы памрэ. Урадзілася цяля з белаю лацінкаю на лбе, так яно і памрэ. Як багаты памрэ, па тры з хаты прэ, а як бедачок — толькі поп ды дзячок. Як багаты памрэ, то і апошні з хаты прэ, а як бедны худачок — толькі попік ды дзячок. Паміраць. Паміраць збірайся (збіраешся), а жыта сей. Хто не нараджаецца, той не памірае. Памоўка. На воўка памоўка, а мядзведзь цішком. Пра воўка (аб воўку) памоўка, а ён і сам тут. 308