Касі, каса, пакуль раса, раса далоў — каса (касец) дамоў. Касмык. З паршывай (шалудзівай) авечкі хоць шэрсці (воўны, поўсці) клок (касмык). Касцёл. Глухім два разы ў касцёле не звоняць. Катацца. Любіш катацца, любі і саначкі вазіць. Каток. Катку жарты — мышцы смерць. Каторы. Каторы конь цягне, таго і наганяюць. Каўбаса. Ласы на чужыя прыпасы (каўбасы). Каханка. У каханкі смаляныя лаўкі. Каханне. Каханне і кашаль не схаваеш. Кацёл. Пасмяяўся гаршчок з катла. Каціцца. Яблык ад яблыні недалёка падае (коціцца). Качарга. У сваёй хаце і качарга маці. Качацца. Здараецца, што і доктар ад жывата качаецца. Каша. Адзін і ў кашы няспорны. Аржаная каша сама сябе хваліць. Багатаму чорт у кашу дбае. Дзе каша ды аладка, там і грамадка. Кашы (кашу) маслам не сапсуеш (не папсуеш). Праўда не скварка, з кашаю не з'ясі. Сам заварыў кашу, дык няхай сам і расхлёбвае. Кашаль. Каханне і кашаль не схаваеш. У каго кашаль, той і красен і ў роце не суха, і ў хаце не глуха. Кашуля. З міру па нітцы — голаму сарочка (кашуля). Свая кашуля (сарочка, рубашка) бліжэй да цела. Кашэль. Багатаму шкада (шкода) карабля, а беднаму — кашаля. Каяцца. Не кайся, рана ўстаўшы (падняўшыся) і рана жаніўшыся. Не кайся, што рана ўстаў або маладым ажаніўся. Квас. Будзе час — будзе і квас. Кветачка. Гэта яшчэ (толькі, пакуль) кветачкі, а ягадкі наперадзе (упера- дзе, яшчэ будуць). Кепскі. Добрая слава далёка ідзе, а кепская (ліхая) яшчэ далей ляціць. За добрым мужам і варона жона, а за кепскім і княгіня загіне. Ківаць. Іван ківае на Пятра а Пётр на Івана. Янка ківае на Петруся, а Пятрусь на Янку. Кідаць. Крывое кола на сябе гразь кідае. Кіеў. У агародзе (гародзе) бузіна, а ў Кіеве дзядзька. Язык да Кіева давядзе. Кіёк. Жабрак жабраку відзён па кійку. Кій. Абед на абед не тое, што кій на кій. Захочаш сабаку выцяць (ударыш,) — палку (кій) знойдзеш. Кось-кось да аброку, а потым кіем па боку. Не баішся ківа, пабаішся кія. Не слухаеш ківа, дык паслухаешся кія. Кім. Гл. хто. Кінуць. Гадка (гідка) з'есці і шкада кінуць. Дзе ні кінь, дык клін. Кінь (кінеш, закінь) наперад (уперад) — знойдзеш ззаду. Кінь (кінеш) за сабою, то знойдзеш перад сабою. Кінь назад — знойдзеш наперадзе. 288