Пакуль жаніцца — заіліцца. Як фаце жаніцца, дык, і ноч (ночка) кароткая (малая). Жаніць. Без мяне мяне жанілі (ажанілі) мяне дома не было. Жар. Чужымі рукамі жар заграбаць лёгка (добра). Жарабё. Як (калі) удасца жарабё (бычок) з лысінкай, дык і здохне (саста- рэе) такім (з лысінкай). Жарства. Наелася пападдзя круп, дык жарствы захацела. Жарт. Кату жарты — мышцы смерць. Жартаваць. Чым чорт не жартуе, калі (пакуль) бог спіць. Жаць. Дождж ідзе не тады, як просяць, а тады, як жнуць ды косяць. Дождж ідзе не там, дзе просяць, а дзе косяць, не там, дзе ждуць, а там, дзе жнуць. Ішла Хоўра жыта жаць, забылася серп узяць. Сама сябе раба б'е, калі (што) нячыста жне. Жбан. Да пары збан (жбан) ваду носіць ручка (вушка) адарвецца — збан паб'ецца. Ждаць. Дождж ідзе не там, дзе просяць, а дзе косяць, не там, дзе ждуць, а там, дзе жнуць. Пайшоў (зарадзіў) драсён — не будзе (не жджы) красён. Жменя. Лепш сініца ў руцэ (у жмені), чым журавель (жораў) у небе. Жона. Гл. жонка. Жонка. Брат любіць сястру багатую, а мужык (муж) жонку здаровую. Выбірай жонку не на прышчы, а на іржышчы. Дай жонцы (бабе) волю — завядзе ў няволю. Жонка не лапаць, з нагі не скінеш. Жонка не рукаў (не рукаво), не адпораш. За добрым мужам і варона жона, а за кепскім і княгіня загіне. Мужык з жонкай сварыцца, калі трасца ў гаршку варыцца. Не вер каню ў дарозе, а жонцы дома. Першая жонка ад бога, другая ад людзей, а трэцяя ад чорта. Шукай жонку ў гародзе, а не ў карагодзе. Які чорт Хомка, такая яго жонка. Жораў. Жаваранак прылятае на праталіну, шпак на прагаліну, жораў з ця- плом, а ластаўка з лістом. Лепш сініца ў руцэ (у жмені), чым журавель (жораў) у небе. Жраць. Хвароба — мігрэнь: жраць ахвота, а працаваць лень. Жук. За пчолкаю — у мёд, за жуком — у гной. Малы жук, ды вялікі гук. На чужой старане і жук мяса і старая баба — маладзіцах Жупіць. Што каму рупіць, то той тое (пра тое) і жупіць. Журавель. Лепш сініца ў руцэ (у жмені), чым журавель (жораў) у небе. Жучок. Папаўся жучок ў панскую ручку. Жывіцца. Багаты дзівіцца, чым бедны жывіцца. Няхай багаты дзівіцца, чым бедны жывіцца. Жывот. Абедаў, а жывот не ведаў. Здараецца, што і доктар ад жывата качаецца. Сіраце прыкіпіць (дакіпіць) у жываце. Жывы. Жывому (жывым) наўме жывое. Жывы (жывым) у зямлю (у магілу, у ямку) не палезеш (не ляжаш). Жывы пра жывое і думае. На жывой касці мяса мусіць нарасці. 278