Воўк ліняе, ды нораву не мяняе. Воўк сабакі не баіцца, але звілі не любіць. Дай божа (бог) нашаму цяляці ваўка (воўка) спаймаці (з'есці). Дарма (задарма) і каза ваўку не скача. Дзе воўк радзіўся, там і куст яму міл. З ваўкамі жыць — па-воўчы (па-воўчаму, па-ваўчынаму) выць. Колькі (як) ваўка (воўка) ні кармі, а ён ў лес глядзіць (паглядае). На воўка памоўка, а мядзведзь цішком. Насіў воўк, панеслі і ваўка. Ні калёс, ні атос, а воўк кабылу панёс. Няма лесу без ваўка. Пашкадаваў воўк кабылу пакінуў хвост ды грыву. Пра воўка (аб воўку) памоўка, а ён і сам тут. Работа (праца, справа) не воўк, у лес не ўцячэ (не збяжыць, не пабя- жыць). Цягаў (цягнуў) воўк, пацягнулі і воўка. Як ваўка ні кармі, а яго ў лес цягне. Воўна. З паршывай (шалудзівай) авечкі хоць шэрсці (воўны, поўсці) клок (касмык). Пайшоў па воўну, а вярнуўся стрыжаны (пастрыжаны, астрыжаны). Воўчы. Воўчы дух (воўчае насенне) да лесу цягне. Вочка. Бачна па вочках, што ходзіць па ночках. Ранні зайчык зубкі цярэбіць, а позні вочкі прадзірае. Вош. Без струманту (без снасці) і вошы (гніду) не заб'еш. Вугал. Дома і вуглы памагаюць. Злодзей хоць вуглы пакіне, а агонь усё забярэ. Не красна хата вугламі, а пірагамі. У сваёй хаце (у сваім доме) і вуглы (сцены) памагаюць. Вузел. Адной рукой і вузла не завяжаш. Дзе толькі мужык з слаўцом, там за ім пуга з вузлом. Вуліца. Будзе калі-небудзь, некалі і на нашай (маёй, тваёй) вуліцы свята. Прыйдзе і на нашу вуліцу свята. Скажы курыцы, дык яна па ўсёй вуліцы. Вум. Стары кажа на глум, а малады бярэ на вум. Вус. Служыў да вуса, служы і да барады. Вусны. На чужыя вусны не накінеш хусты. Вуха. Для мілага друга і завушнічка з вуха. І сцены маюць вушы. І ў сцен ёсць вушы. Каб сонца засланіць, вушэй асліных мала. Хто парася (парасё) украў, у таго ў вушах (увушшу) пішчыць. Вучоны. Не вучы вучонага. Вучыцца. Век жыві — век вучыся а дурнем памрэш. Вучыцца ніколі не позна. Не тады вучацца плаваць, калі вада ў рот плыве. Вучыць. Людзі і мядзведзя вучаць. Не вучы вучонага. Не вучы рыбу плаваць. Не кручаны — не рэмень (не рамень), не вучаны — не чалавек. Яйцо курыцы не вучыць. Яйцо (яйка) курыцу вучыць. 260