Аглобля. Кось-кось (кося-кося, косю-косю), пакуль (ды) у аглоблі. Агонь. Агонь агнём не тушаць. Дыму без агню не бывае. Злодзей хоць вуглы пакіне, а агонь усё забярэ. Пажар (агонь) агнём не тушаць (не гасяць). Агрызак. Здраднік за агрызкі прадасць родных і блізкіх. Адарвацца. Да пары збан (жбан) ваду носіць ручка (вушка) адарвецца — збан паб'ецца. Адбіраць. Цянькі адбіраюць дзянькі. Адвага. Смеласць (храбрасць, адвага) гарады бярэ. Адводзіць. Іскру тушы да пажару, бяду адводзь да ўдару. Адгукнуцца. Як гукнеш, так і адгукнецца. Аддаць. Не пад'ясі — і залатую фурманку аддасі. Адзежа. Па адзежы сустракаюць, а па розуму праводзяць. Адзежка. І рыбы не хачу, а адзежкі не змачу. Каб не ежка ды адзежка, была б грошай поўна дзежка. Адзенне. Па адзенні страчаюць, а па розуму праводзяць. Адзін, адна, адно. Адзін дурань можа задаць (задасць) столькі пытанняў, што дзесяць (сем) разумных не адкажуць. Адзін за ўсіх і ўсе за аднаго. Адзін з'еш хоць вала, дык адна хвала а пакрысе, ды ўсе. Адзін і ў кашы няспорны. Адзін Сцяпан — заўсёды пан, а калі і нястача, дзіця не плача. Адзін сын — не сын, два сыны — палова сына (паўсына), тры сы- ны — сын. Адзін у полі не воін. Адна бяда не ідзе, другую за сабой вядзе. Адна бяда не ходзіць другую за сабою водзіць. Адна галава добра, а дзве яшчэ лепш (лепей). Адна галавешка і ў печы не гарыць, а дзве і ў полі не гаснуць. Адна галавешка і ў печы не тлее (не гарыць). Адна ластаўка вясны не робіць. Адна лыжка дзёгцю псуе бочку мёду. Аднаму густа, а другому пуста. Адна паршывая (шалудзівая, паганая) авечка (аўца) увесь статак (гурт, усю чараду) псуе (сапсуе). Адно дзіця — не дзіця, двое дзяцей — паўдзіцячы трое дзяцей — гэта дзіця. Адно дзіця — няма дзяцей, двое дзяцей — што адно, а трое — сям'я. Адной рукой і вузла не завяжаш. Адну карову мае і тую за хвост падымае. Адны пануюць, другія гаруюць. Два мядзведзі ў адной бярлозе не зімуюць. Дзвюм смерцям (смярцям) не бываць, а адной не мінаваць. За аднаго бітага двух нябітых даюць. За двума зайцамі пагонішся, ніводнага (ні аднаго) не зловіш. Злодзею адна дарога, а хто шукае, таму многа. Куляй у аднаго пацэліш, а трапным словам у тысячу. Лепш (лепей) адзін раз убачыць (пабачыць), чым сто разоў пачуць. Муж і Жана — адна сатана. На адным месцы і камень мохам абрастае. Напрасткі адна варона лятае, затое (ды) ніколі дома не бывае. 246