маладымі). ЯКІ ДУБ, ТАКІ І ТЫН, ЯКІ БАЦЬКА, ТАКІ І СЫН. [Пан:] Брэшаш, старая. Твой сын — лайдак, валацуга. Швэндаецца, мусіць, дзе-небудзь па свеце ды жабруе, а мо і крадзе, зладзюга. [Войт:] Уся іхняя парода гэткая, паночку. Які дуб; такі і тын, які бацька, такі і сын (В. Вольскі. Цудоўная дудка). — Насовіч: Якое дзерава, такі і клін, які бацька, такі і сын; Раманаў. Які дуб, такі тын, які бацька, такі сын; Прыказкі: Якое дрэва (які дуб), такі і клін, які бацька, такі і сын. ЯКОЕ КАРЭННЕ, ТАКОЕ І НАСЕННЕ. Свае недахопы ці станоўчыя рысы дзеці пераймаюць ад бацькоў. Сін.: Калі бацька рыбак, то і сын глядзіць на ваду; Яблык ад яблыні недалёка падае; Які куст, такі і адростак; Якое дрэва, такі і клін, які бацька, такі і сын. «Якое карэнне, такое і на- сенне», — кажуць у народзе. Хаменкаў сын пазбіраў усе бацькавы кро- пелькі (У. Юрэвіч. Пошукі вобраза — пошукі слова). — Выкручваецца [Свідэрскі]. Кажа, часам яго агортвае нейкае незразумелае вар'яцтва. І тады ён не помніць, што робіць. У іх родзе нешта падобнае было. Ві- даць, спадчына... — Спадчына? Магчыма... Нездарма ж у народзе ка- жуць: якое карэнне, такое і насенне... (Л. Прокша. Урок любві і няна- вісці). Кавалік выказаўся, даводзячы, што тут вінаватая і маці Кіпеня, шаптуха-праведніца... — Якое карэнне, такое і насенне, — нечакана выгукнуў Мішка Цярэшка (С. Кухараў. Зорка Канікула). * Многія хвалілі яго [Івана Тарасавіча] як вопытнага арганізатара і спецыяліста, а наконт выхаванцаў казалі: «Добрае карэнне, добрае і на- сенне» (М. Гроднеў. Салодкі боль). — Янкоўскі: Якое карэнне, такое насенне. ЯКОЕ СЕМЯ, ТАКОЕ І ПЛЕМЯ. Пра залежнасць ураджаю ад якасці на- сення. Не, Галі не трэба цвілое насенне. Бацька казаў: «Якое семя, такое і племя». Або: «Ад благога семя не чакай добрага племя». Тым больш лубін: ён пераборлівы. Яго трэба добра высушыць і трымаць у сухім (Я. Ермаловіч. Стаяў маладзік над лесам). Наўрад ці ў каго ў раёне такая азіміна. Ды і адкуль ёй быць такой? Засеяны палі ў асноўным масавай рэпрадукцыяй, рэдка дзе другая і трэцяя. Якое семя, такое і племя (В. Шырко. Сцяжына да людзей). — Прыказкі: Якое семя, такое і племя. ЯК ПАПУ ЎДАЕЦЦА, ТО І ПАПАДДЗЯ СМЯЕЦЦА Жонка радуецца, задаволеная, калі ў мужа ўсё добра, усё ўдаецца. Што можна пра жонку сказаць? Як папу ўдаецца, то і пападдзя смяецца. Сапраўды, яна баіцца, каб не астацца без прырэзкі зямлі. А я мяркую — агулам вырабляць. Створым камунію. Мяркую — уламлю жонку (І. Гурскі. Вецер веку). — Ляцкі: Калі папу ўдаецца, то і пападдзя смяецца. ЯК ПАСЦЕЛЕШСЯ, ТАК І ВЫСПІШСЯ. Вынікі ў якой-н. справе зале- жаць ад таго, як да яе ставішся, як стараешся. [Сцяпан:] Ты вінаваты, бо праз гарэлку не бачыў свету белага, не арганізаваў работу. Праўда, і мы вінаваты: даўно б трэба было цябе папрасіць з брыгадзірства. Але лепш позна, чым ніколі. [Марына:] Адным словам, Макарка, як пасце- лешся — так і выспішся (А. Рылько. Як пасцелешся — так і выспішся). — Насовіч: Як пасцелешся, так і выспішся. ЯК П'ЯН, ДЫК КАПІТАН, А ЯК ПРАСПІЦЦА, ДЫК І СВІННІ БАІЦЦА. Гл. Калі п'яны (як п'ян), дык капітан, а калі (як) праспіцца, дый свінні баіцца. ЯК САБАКА НА СЕНЕ — І САМ НЕ ГАМ І ДРУГОМУ НЕ ДАМ. Гл. І сам не гам і другому не дам. ЯК САБАКУ КОРМЯЦЬ, ТАК САБАКА І БРЭША. Як другія ставяцца да каго-н., так і ён ставіцца да іх. [Касабуцкі:] Станок ні к чорту матары 242