мыш). У гаспадароў нядрэнны быў настрой: усё ж на свеце ісціну не забываюць, што дома і вуглы дапамагаюць (У. Корбан. Расплата). * Эх, розум, розум малады! На сваім котлішчы, дачушка, табе паможа вугал, куст, а там пакрыўдзіць кожны хлюст, тут — гаспадар ты, а там — служка... (Я. Колас. На шляхах волі). — Насовіч: У сваёй хаце і вуглы памагаюць; Прыказкі: У сваёй хаце і вуглы памагаюць; У сваім доме і вуглы памагаюць; Дома і вуглы памага- юць. У СВАІМ ДОМЕ І ВУГЛЫ ПАМАГАЮЦЬ. Гл. У сваёй хаце (у сваім доме) і вуглы (сцены) памагаюць. У СВАІМ СТАНЕ І ПРЫСТАЎ ЦАР. Сярод сваіх падначаленых і невялікі начальнік адчувае сябе поўнаўладным, неабмежаваным гаспадаром. На сваім сметніку, кажуць, і певень гаспадар. А ў сваім стане і прыстаў — цар. Жыў той прыстаў у Ігумене. Нягодны, сярдзіты, як звер (Я. Колас. «Слабодак). — Прыказкі. У сваім стане і прыстаў цар. УСЕ БАБРЫ ДАБРЫ, АДНА ВЫДРА ЛІХАЯ. Няма падставы аддаваць перавагу каму- ці чаму-н. аднаму перад іншымі. — Праедзьце ў мядзве- джы кут, убачыце: паляшук — дармовы батрак. Памешчыкі асабліва лютыя. — Усе бабры дабры, адна выдра ліхая, — усумніўся салдат на мыліцах. — Памешчыкі ўсюды аднолькавыя (І. Гурскі. Вецер веку). «Гэта раней, як абвянчае поп, то што вужышчамі звяжа. Любіш не любіш — жыві. Але ж і тады разыходзіліся, як прыпячэ...» — «Каб так усё проста было, як вам здаецца!..» — уздыхае ён [зяць]. «Усе бабры да- бры, адна выдра ліхая», — сказала я і пайшла з хаты (П. Місько. Поезд ішоў на захад). — Насовіч: Усе бабры дабры, адна выдра — ліха яе бяры; Федароўскі'. Усе бабры дабры, адна выдра ліхая; Прыказкі. Усе бабры дабры, адна вы- дра ліхая (дурная). УСЕ ЗА АДНАГО І АДЗІН ЗА ЎСІХ. Гл. Адзін за ўсіх і ўсе за аднаго. УСЕ МЫ ПАД БОГАМ ХОДЗІМ. З кожным можа здарыцца што-н. нечаканае, незалежнае ад чалавека. Як той казаў, пад богам усе мы ходзім, грэшныя, хоць пішам некралогі, бадзёрыя і ўцешныя... (В. Вітка. Як той казаў). — Не перажывайце так, Іван Іванавіч, — пачалі яго су- цяшаць. — Усе мы ходзім пад богам... Ніхто не ведае, што каго і дзе чакае... (Б. Сачанка. Чортава прапанова). «Што ж рабіць, хто ж ведаў. Усе пад богам ходзім», — толькі і шаптаў у адказ Юліуш (Г. Марчук. Крык на хутары). Жыццё ёсць жыццё, усе, як кажуць, пад богам ходзім, і ніхто не ведае, калі і як будзе вынесены прысуд (М. Кацюшэнка. Сіту- ацыя). УСЕ ЧЭРЦІ АДНОЙ ШЭРСЦІ. Кажуць з неадабрэннем пра людзей, аднолькавых па якіх-н. адмоўных якасцях. Хоць усе чэрці адной шэрсці, але бараніцца ад іх трэба па-рознаму (Б. Сачанка. Вечны кругазварот). — Па Мяснікову і Сталіну — там [ва ўрадзе] усе нашы чэрці адной шэрсці, — прамовіў Жылуновіч (Г. Далідовіч. Свой дом). — Насовіч. Усе чэрці адной шэрсці; Федароўскі: Усе чэрці адной шэрсці. УСЁ МІНЕЦЦА, А ПРАЎДА ЗАСТАНЕЦЦА. Гаворыцца, калі вераць у пе- рамогу справядлівасці. У Азаркевіча астаўся на душы непрыемны асадак ад лаянкі прадстаўніка, потым падумаў: «Усё мінецца, а праўда заста- нецца» (І. Гурскі. На гуце). — Прыказкі: Усё мінецца, адна праўда застанецца. УСЁ НА СВЕЦЕ МАЕ СВОЙ КАНЕЦ. Гаворыцца пры заканчэнні чаго-н. або як надзея, што прыйдзе канец чаму-н. Добра, што ўсё на 203