Суп мясны і катлеты... Ого, затлуста адным мясам жыць. Укрой — не ўдой, трэба памятаць (І. Козел. Над хвалямі Серабранкі). — Прыказкі: Укрой — не ўдой. УЛЕЗ У ДУГУ, ДЫК НЕ КАЖЫ ШТО НЕ МАГУ. Гл. Калі улез у дугу, дык не кажы што не магу. У ЛЮДЗЕЙ ПЫТАЙ І СВОЙ РОЗУМ МАЙ. Гл. Людзей (другіх) слухай, а свой розум май. У МУЗЫКІ ХЛЕБ НЕВЯЛІКІ, А СПЯВАЙ МАЮЦЬ НІЯКІ. Пра невялікія заробкі музыкантаў і спевакоў. Назаўтра «артысткі» расхварэліся і занемаглі ад перажытага хвалявання. «У музыкі хлеб невялікі, а спя- ваю маюць ніякі», — адгаворваліся яны і кляліся, што больш ніколі не будуць выступаць (П. Місько. Градабой). — Прыказкі. З музыкі хлеб невялікі; У стральца і музыкі хлеб не- вялікі. У НАГАХ ПРАЎДЫ НЯМА. Кажуць пры запрашэнні сесці. Сім.: За пастой грошы не плацяць. То сядайце, добры чалавек, у нагах, як казалі некалі, праўды няма... (М. Лынькоў. Векапомныя дні). — Вы сядайце, — за- прасіў нарэшце Іван. — У нагах праўды няма (І. Шамякін. Вазьму твой боль). — Сядай, дружа, — пачулася з кутка. — У нагах праўды няма (І. Новікаў. Дарогі скрыжаваліся ў Мінску). — Садзіся — у нагах, ка- жуць, праўды няма. — Гура паказаў галавою на крэсла з вялікаю, выціснутаю на фанеры кветкаю (В. Адамчык. Чужая бацькаўшчына). — Янкоўскі: У нагах праўды няма; БРС. У нагах праўды няма. У ПРОЧКІ ВЫБІРАЙСЯ, А ЖЫТА СЕЙ Гл. Паміраць збірайся, а жыта сей. УРАДЗІЛАСЯ ЦЯЛЯ З БЕЛАЮ ЛАПІНКАЮ НА ЛБЕ, ТАК ЯНО І ПА- МРЭ. Гл. Як (калі) удасца жарабё (бычок) з лысінкай, дык і здохне такім. У РАЗУМНАГА ВОЧЫ І НА ПАТЫЛІЦЫ СЯДЗЯЦЬ. У разумнага чала- века шырокае ўспрыманне навакольнага свету. Ці ж разумнаму Дзіда- дзеду адгукацца на яе брахню? У разумнага вочы і на патыліцы сядзяць. Ён ведае ўчарашні дзень, ён без акуляраў бачыць і заўтрашні (З. Бядуля. Сярэбраная табакерка). — Рапановіч. У разумнага вочы на патыліцы. УРОДЗІЦЦА ЦЯЛЯ З ЛЫСІНКАЮ, ТО І З ЛЫСІНКАЮ ЗДОХНЕ. Гл. Як (калі) удасца жарабё (бычок) з лысінкаю, дык і здохне такім. У СВАЁЙ ХАЦЕ І КАЧАРГА МАЦІ. У сваёй хаце адчуваеш сябе смела, спакойна, надзейна. Сін.: У сваёй хаце і вуглы памагаюць. — Дам тваёй сям'і месца ў флігелі. Хоць сёння займай большую палову. — У сваёй хаце і качарга — маці, — не надта ўзрадаваўшыся сказаў Гаранок... (Л. Дайнека. Запомнім сябе маладымі). — Прыказкі: У сваёй хаце і качарга маці. У СВАЁЙ ХАЦЕ (У СВАІМ ДОМЕ) І ВУГЛЫ (СЦЕНЫ) ПАМАГАЮЦЬ. У сваёй хаце адчуваеш сябе смела, спакойна, надзейна. Сін.: У сваёй хаце і качарга маці. Дык я і цяпер за тое, каб заставацца тут, бліжэй да сваіх. У сваёй хаце і вуглы памагаюць (І. Шамякін. Дзеці аднаго дома). Што, так і не заснулі? Дарэмна, дарэмна. А я добра пас- паў і вось на свежую галаву нешта, здаецца, прыдумаў... Не трацьце на- дзеі, у сваім доме і сцены памагаюць (І. Новікаў. Дарогі скрыжаваліся ў Мінску) ДОМА І ВУГЛЫ ПАМАГАЮЦЬ (ДАПАМАГАЮЦЬ). Выбраўся я з гасцініцы і паехаў у той горад, дзе нарадзіўся, дзе вучыўся, дзе жыла мая маці. Кажуць жа: дома і вуглы памагаюць (Б. Сачанка. Белая