НЯМА НІЧОГА ТАЙНАГА (ПАТАЙНАГА), КАБ НЕ СТАЛА (ШТО НЕ СТАЛА Б, КАБ НЕ БЫЛО) ЯЎНЫМ. Пра непазбежнасць раскрыцця таго, што было чыёй-н. тайнай. Няма нічога патайнага, што не стала б яўным, як казаў калісь дзяк Бацяноўскі. Пачакаю трохі: да дванаццатага жніўня застаецца не так ужо многа. А можа, і да гэтага часу што-не- будзь адслоніцца (Я.Колас. На ростанях). Але нічога няма тайнага, каб не было яўным. Патрошку-патрошку папаўзлі Сілцамі, перш невыра- зныя, а далей усё паўнейшыя ды паўнейшыя, чуткі, што Семка выклікаўся да станавога.. (Ц. Гартны. Сокі цаліны). — Думаеш, на заво- дзе не ведаюць, што ты махлюеш? — Не злавіў за руку, не кажы — злодзей... — Зловяць! Няма нічога тайнага, каб не стала яўным... (І. Гурскі. Вярнуўся). — Паходзіць з евангельскага тэксту: «Няма нічога тайнага, што не зрабілася б яўным» (Марк, 4, 22). НЯМА РОДУ БЕЗ ВЫРОДУ. У калектыве заўсёды ёсць і такі чалавек, які сярод іншых вылучаецца сваімі дрэннымі якасцямі. Сін.: Няма лесу без ва- ўка; У сям 'і не без вырадка. Няма роду без выроду, кажа народная пры- казка. Так і ў нас. Вось каля шчырых працаўніц прытулілася Алена Дрыгель. Яна таксама скончыла сярэднюю школу. Але не пайшла па шляху сваіх сябровак (М.Сергіевіч. У Доме культуры). * [Сымонка:] Ты на мяне не крыўдуй, дзядзька Рабіна, бо няма роду без вырадку... (В.Вольскі. Машэка). — Насовіч: У роду не без выроду; Прыказкі: Няма роду без выроду. НЯМА ТАГО ЗЛОГА, КАБ НЕ ВЫЙШЛА НА ДОБРАЕ. Гаворыцца з на- дзеяй, што вынікам якой-н. бяды, непрыемнасці павінна стаць удача, што-н. добрае. Сін.: Няма ліха без дабра. [Якім:] Калі, калі ўжо надыдзе тая часінка, што нас злучыць навекі, і мы ўжо ніколі не расстанемся? Калі? Калі?.. [Паўлінка:] Ха-ха-ха! На святое ніколі! Вельмі ўжо татка мой заеўся на цябе з таго часу, як даведаўся, што мы з табой злюбіліся. Ну, а без таты гэты інтарэс наладзіць будзе вельмі трудна. [Якім:] Тру- дна то яно трудна, але няма таго злога, каб не выйшла добрае (Я.Ку- пала. Паўлінка). * Хлеб наш горкі, але не вечны. Як паночкі гавораць: «Няма таго дрэннага, з якога добрае не выйшла б». Чуў? Будзе і наша свята (Я.Брыль. У сям'і). — Федароўскі: Няма таго злога, каб не выйшла на добра; Няма нічога ліхога, каб на добрае не выйшла. НЯМА ТОЙ ХАТКІ, ДЗЕ Б (КАБ) НЕ БЫЛО ЗВАДКІ. У кожнай сямі могуць быць сваркі. Гаворыцца як спроба апраўдаць сямейную звадку. Мне скажуць, што няма той хаткі, дзе б не было звадкі! Але ж мы ўлічыць павінны — бацькі ваююць, а ў дзяцей калоцяцца чупрыны... (Э.Валасе- віч. Халодная вайна). — Насовіч: Няма тэй хаткі, штоб не было звадкі; Федароўскі: Няма тае хаткі, каб не было сваркі; Прыказкі: Няма той хаткі, каб (дзе б) не было звадкі. НЯПРАЎДАЙ СВЕТ ПРОЙДЗЕШ, А НАЗАД НЕ ВЕРНЕШСЯ. Гл. Ма- ной (няпраўдай, хітрасцю, круцельствам) свет пройдзеш (пяройдзеш), а назад не вернешся. НЯПРОШАНЫ (НЕЗАПРОШАНЫ, НЯЗВАНЫ) ГОСЦЬ ГОРШ ЗА ТАТАРЫНА [Барыс:] Я... я ўжо некалькі разоў збіраўся да вас, але ко- жны раз успамінаў прыказку: няпрошаны госць горш за... А сёння па- стараўся забыць пра гэта і зайшоў... (А.Маўзон. Пад адным небам). Вы прабачце, Міхаліна Казіміраўна. Я ведаю: незапрошаны госць горш за татарына (І.Шамякін. Ах, Міхаліна, Міхаліна). — Рашыў пабыць ва- 156