Насовіч.: Калі не поп, не ўбірайся ў рызы; Прыказкі: Калі не поп, не ўбірайся ў рызу. НЕ ВАДЗІСЯ КРАСНЫ, А ВАДЗІСЯ ШЧАСНЫ. Пра перавагу шчасця над прыгажосцю. «Не радзіся краснай, а радзіся шчаснай!..» — прымаў- ку старую ўспамінаю часта (Е. Лось. Не радзіся краснай...). — Насовіч: Не радзіся красны, а радзіся шчасны; Прыказкі: Не ра- дзіся красны, а радзіся шчасны; Не радзіся красівы, а шчаслівы; Не радзісь прыгож, а радзісь шчасліў. НЕ РАСКУСІШ АРЭХ, ЗЕРНЯ НЕ З'ЯСІ. Не змагаючыся за што-н. жа- данае, прыемнае, не атрымаеш яго. Сін.: Вады не засіліш не паварушыў- шыся, рыбкі не зловіш не памачыўшыся. — Дык кажаш: не раскусіш арэх, зерня не з'ясі? — Да Салаўя звярнуўся пануры салдат. — Без новай рэ- валюцыі не мецьмем свабоды? — Вядома, — ажывіўся Салавей. — Нічога само не зробіцца. Пачаў работу, то канчай (І.Гурскі. Вецер веку). — Прыказкі: Не раскусіўшы арэх, зерне не з'ясі; Арэх не раскусіш — зерня не з'ясі. НЕ РУШ ЧУЖОГА І НЕ БОЙСЯ НІКОГА. Га. Не чапай нічога і не бой- ся нікога. НЕ СВЯТЫЯ (НЕ БАГІ) ГАРПІЮ ЛЕПЯЦЬ. І звычайны чалавек справіц- ца з цяжкай справай. Гаворыцца, каб падбадзёрыць таго, хто бярэцца за нязвыклую для яго справу. Знаёмства і гутарка прастадушнага Шайбака з жывым паэтам яшчэ раз пацвердзіла яго ўлюбёную прымаўку, што не святыя гаршкі лепяць. Патрэбна толькі смеласць (М. Паслядовіч. Цё- плае дыханне). Прыгледзеўшыся да Шалюта на новай пасадзе, ён [Ва- рановіч] паверыў, што з таго пры старанні можа выйсці раённы кіраўнік. Не святыя ж гаршкі лепяць (І. Дуброўскі. Жывая слава). — Да- вай я прапаную цябе на начальніка штаба... — Ці спраўлюся я? — Не святыя гаршкі лепяць. Ды і калі што — я табе памагу (Б. Сачанка. Вялікі Лес). — Што вопыт? Набудзеце яго ў самым хуткім часе... — Ну што ж, паспрабуем, Пятро Халімонавіч. — Вось і добра. Не багі ж, як гаворыцца, гаршкі лепяць (М. Лынькоў. Векапомныя дні). — Ого, каб мне набыць голас Валянціна Адамавіча! — З тваімі здольнасцямі гэта няцяжка. Ты далёка пойдзеш... — А што вы думалі? Не багі гаршкі ле- пяць (І. Шамякін. Снежныя зіцы). Ды, у рэшце рэпгг, не багі гаршкі ле- пяць. Авалодаць любой спецыяльнасцю няцяжка, калі за плячамі ўсяго дваццаць пяць, як у Сямёна (Я.Каршукоў. У першыя дні). * Я проста не маю права не пісаць. Калі я не буду пісаць, мне гэтага ніхто не даруе. А што, хіба святыя гаршкі лепяць? Не, не святыя, а зусім наадварот (Я. Васілёнак. Сучасная тэма). Кніжку выпусціш» — многа праз сябе трэба прапусціць. Можа, калі і мы што выпусцім. Не святыя гаршкі лепяць, а ганчары, звычайныя, як мы з табой, людзі (Я. Ермаловіч. Ма- лады старшыня). Рыфма, як бачыце, акаймавала вялікую філасофскую ду- мку, што не толькі багі могуць ляпіць гаршкі (С.Шушкевіч. Пра рыфмы). Не багі гаршкі ляпілі — багі перунамі лупілі. Гаршкі ляпілі замораныя гаршкалепы з няблізкага Морына (Д. Бічэль-Загнетава. Гаршкалепы). — Федароўскі: Не святыя гаршкі лепяць; Прыказкі: Не святыя гаршкі лепяць. НЕ СЛУХАЕШ КІВА, ДЫК ПАСЛУХАЕШ КІЯ. Гл. Не баішся ківа, па- баішся кія. НЕ ТАДЫ ВУЧАЦЦА ПЛАВАЦЬ, КАЛІ ВАДА Ў РОТ ПЛЫВЕ. Не ў апошні момант робіцца тое, што трэба было зрабіць раней. Гаворыцца з незадавальненнем, калі выяўляецца непадрыхтаванасць да якой-н. справы. Сін.: Не тады сабак кормяць, як на паляванне ісці. Мы робім выгляд, што нічога не ведаем, хаця са свайго боку ўжо прынялі ўсе магчымыя ў 148