кашы. Хочацца перад боем праверыць яшчэ раз хадавую часць... (М.Па- слядовіч. Святло над Пінскам). — Насовіч: Кашу маслам не сапсуеш; Прыказкі: Кашу маслам не па- псуеш; Маслам кашы не змарнуеш. КІНЬ (КІНЕШ, ЗАКІНЬ) НАПЕРАД (УПЕРАД) — ЗНОЙДЗЕШ ЗЗАДУ. Калі зробіш каму-н. ласку, то і табе адплацяць тым самым. Сін.: Кінь за сабою, то знойдзеш перад сабою. [Парфіяновіч:] Якую ж даць сабе мне раду? Закінь наперад — знойдзеш ззаду. Я пана выпушчу... Ну так! (М.Клімковіч. Кастусь Каліноўскі). Адама Касперавіча не вучыць, каго і куды запрасіць, каму і што паднесці... Нездарма кажуць: кінеш уперад — знойдзеш ззаду (І.Аношкін. Тры клічнікі). КІНЬ ПЕРАД СА- БОЮ, ЗНОЙДЗЕШ ЗА САБОЮ. Другому трэба нейкую ласку рабіць, аддзячыць, а гэты ўжо «аддзячаны»: мёду яму давала ж! «Кінь перад са- бою, знойдзеш за сабою» — яшчэ ж як праўдзіць прымаўка (П.Місько. Градабой). * [Касперскі:] Як не дапамагчы суседу. Закінеш наперад, як знойдзеш (І.Гурскі. Хлеб). Ды не, таварыш Наркевіч, не глупства. Не кінеш напе- рад, не знойдзеш ззаду. Або, як у вас, у гандлёвай сетцы: ты мне — я табе... Даю, каб і ты мне даў (Л.Левановіч. Мадонна з кветкаю). Стуканок трымаўся свайго жыццёвага правіла: наперад кінеш — ззаду возьмеш. Гэта ў тым сэнсе, што не скупіся перад «патрэбным чалавекам» (А.Рыль- ко. Стуканок у аблавушцы). — Ляцкі: Кінь напярод (наперад), а знайдзён назад у; Прыказкі: Кінь перад сабою — знойдзеш за сабою. КІНЬ (КІНЕШ) ЗА САБОЮ, ТО ЗНОЙДЗЕШ ПЕРАД САБОЮ. Калі зробіш каму-н. ласку, то і табе адплацяць тым самым. Сін.: Кінь напе- рад — знойдзеш ззаду. Кінь за сабою, то знойдзеш перад сабою... От тады прынялі хораша Аляксея Аляксеевіча, то і ён як чалавек паставіў- ся да нас (П.Місько. Ціхае лета). Ехалі праз Нясвіж: бацька і дзядзька Антось хацелі заглянуць у замак і перадаць знаёмым падпанкам сякі- такі гасцінец — мяшочак арэхаў, вязку сушаных грыбоў, свежай рыбы. Кінеш за сабою — знойдзеш перад сабою! (С.Александровіч. На шы- рокі прастор) КІНЬ (КІНЕШ, ЗАКІНЕШ) НАЗАД — ЗНОЙДЗЕШ НАПЕРАДЗЕ. Не пра фермы, вядома, клапоціцца [Адзярыха]. Але ліха з ім. Яго, Сашава, хата з краю. Назад кінь, наперадзе знойдзеш. Можа, і прыйдзецца калі-небудзь заехаць (І.Навуменка. Бульба). — Загадва- еце? — Не маю права. Прасіць — маю права. Закінеце назад — зной- дзеце наперадзе (Я.Ермаловіч. Валуны). * — Калі-небудзь мне падможаш, — засмяяўся Цырык, паказваючы шчарбаты з абодвух кутоў рот. — Хто кіне за сабою, знойдзе перад сабою (В.Адамчык. І скажа той, хто народзіцца). Хацелася хлопцу мець свой ку- точак, бацькі памаглі сыну, бо разумелі: кідае хлопец за сабою, каб знайсці потым перад сабою (А.Пальчэўскі. Чорны дзень). — Насовіч: Кінь хлеб-соль пазадзі, знойдзеш уперадзе; Прыказкі: Кінь за сабой — найдзеш перад сабой; Закінь назад — наперадзе зной- дзеш. КІНЬ НАЗАД — ЗНОЙДЗЕШ НАПЕРАДЗЕ. Гл. Кінь (кінеш) за сабою, то знойдзеш перад сабою. КІНЬ ПЕРАД САБОЮ, ЗНОЙДЗЕШ ЗА САБОЮ. Гл. Кінь (кінеш, закінь) наперад — знойдзеш ззаду. КЛІН ВЫБІВАЕЦЦА КЛІНАМ. Гл. Клін клінам выбіваюць (выганяюць). КЛІН КЛІНАМ ВЫБІВАЮЦЬ (ВЫГАНЯЮЦЬ). Непрыемныя вынікі якіх- н. дзеянняў ці стану ліквідуюцца тымі ж сродкамі, якімі выкліканы гэтыя дзеянні або стан. — Без папаўнення боепрыпасаў не вельмі наваюеш, а 106