ПРІСТОІЦЦА зак. Скіснуць (пра малако). Паглядзі, дачушка, ці прістоілася там малако на вакне. Кулакова Віц. ПРІСТОІЦЬ зак. Ідучы, спыніцца, пастаяць кароткі час. І я прістоіла трошку каля калодзіся. Канашы Гар. ПРІСТРОІК, ПРЫСТРОІК м. Прыбудова, прыбудаваны будынак. У прістроік пака пакладзём. Мазалава Віц. У нас прістроік большы, чым сама хата. Вярэчча Гар. Сабака суседкін у нашым прыстройку ноччу спіць. Лескавічы Шум. Прыстроік во не можам дакрасіць: усё дажджы не даюць. Шыбекі Арш., Дразды Беш. Параўн. прірубак, пріхатак, прыдурак, прыкілак, прырубак. ПРІСТУПНА, ПРЫСТУПНА прысл. Зручна. А мне ў туфлях етых дужа пріступна хадзіць. Мазалава Віц. А мне красата ўжэ ні нада - абы пріступна хадзіць было. Канашы Гар. Так мне больш прыступна шыць. Дубы В.-Дзв. ПРІСУМБЫЧЫЦЬ зак., экспр. Моцна прыбіць, прымацаваць што-н. Прісумбычыў во малатком к сценкі - не адваліцца. Лужасна Віц. Параўн. прыбамбіць, прішпандоріць, прышпандорыць. ПРІТОН м. Месца ў хаце, пакой, дзе сямейнікі праводзяць большую частку свайго часу. На кухні - увесь прітон. Лужасна Віц. Кухня ў нас большая, дык увесь прітон там. Канашы Гар. ПРІТОРНУЦЦА зак. 1. Дакрануцца, даткнуцца да каго- ці чаго-н. Пріторнулася во плячом к сціне пакрашанай, вымазалася. Мазалава Віц. Пріторнуўся ціханька рукой да міне. Ноўка Гар. 2. Паспытаць, паспрабаваць чаго-н. (звычайна з адмоўем не). Да яды дажа ні пріторнулася. Курына, Лужасна Віц., Казловічы, Ноўка Гар. 3. Пачаць нешта рабіць і не давесці справу да канца. Во работніца: толька пріторніцца што здзелаць, як ужэ дзяцёнак плача - к яму беч нада. Вярэчча Гар. Нічога не ўспеў: толька пріторнуўся боты пачыніць, як з сельсавета пазванілі. Лужасна Віц. ПРІТЫРАК, ПРЫТЫРАК м., лаянк. Прыдурак, чалавек невялікіх разумовых здольнасцей або з дзівацтвамі. З прітыркам етым і гаварыць нечага. Ноўка Гар. Ад прытырка і слова людскага не пачуеш. Сабалі Чаш. Параўн. паўгловак, паўдурак, паўшабэлак у 2 знач., пенцюх. ПРІТЫРІНЫ, ПРЫТЫРАНЫ прым., лаянк. 1. Прыдуркаваты, бесталковы. Звізалась з етым прітыріным мальцам на Новый год. Канашы Гар. А што з ім гаварыць, калі ён прытыраны. Антонаўцы Брасл. І зяць у іх прытыраны, як і самі. Латышы Глыб. Параўн. падшлепнаваты, прышлёпнуты. 2. У знач. наз. Дурань. Зноў гэты прытыраны цягнецца. Мосар, Празарокі Глыб. Параўн. паўгловак, паўдурак, паўшабэлак у 2 знач., пенцюх, прітырак, прытырак. ПРІХАТАК м. Трысцен, прыбудова, прыбудаваны да хаты будынак. Як мы пажаніліся, бацька пріхатак нам пабудавау