ісці даіць. Каўровая Дубр. У паўдзёнкі ў грыбы не ходзяць. Дубнякі Сен.
ПАЎДЗЁНКІ мн., ПАЎДЗЁННІК м., бат. Дэкаратыўная расліна іпамея (павой). Ужо абед, вот і паўдзёнкі распусцілісь. Новы Пагост Міёр. Бутоны паўдзённіка распускаюцца, як высока падымаецца сонца. Трабаўшчына Шарк.
ПАЎДНЁМ прысл. У поўдзень. Паўднём паедзім у Паставы. Белькі Паст.
ПАЎДУЛЬКА ж. Груша-дзічка. Паўдулька расла побач бані. Ляхаўка Дубр.
ПАЎДУРАК м., груб. Неразумны чалавек, дурань. Гэта толькі паўдурак такое сказаць можа. Лазічы Глыб. Гэтаму паўдурку і за дзень не ўложыш у галаву нічога. Масленікі Паст. Адзін паўдурак падвучыць, а другі зробіць. Прыпернае Глыб., Кублічы Уш., Сабалі Чаш. Параўн. паўгловак, паўшабэлак у 2 знач., пенцюх, прітырак, прытырак.
ПАЎЗАК м. Бляшанка, у якую складваюць рыбу падчас лоўлі. Паўзак – дужа добрая штука для рыбака. Дразды Беш.
ПАЎЗУН м. Любая паўзучая пакаёвая расліна. Нада ў паўзуна зямлю памяняць. Прыпернае Глыб. Якіх толька вазонаў німа ў Стасі: і паўзун, і мушкат, і фікус, і дзіравы ліст! Верхняе Глыб.
ПАЎЗУНКІ мн. Вусікі на сцябле гарбуза. Не тапчыся па паўзунках! Стрынадкі Глыб.
ПАЎЗЮЧКА ж. Гадзюка. У лес не пайду з-за гэтых паўзючак. Кутняны Пол., Матырына Уш.
ПАЎКАДАК м. Невялікі цэбар. Ці асталась эта зярно ў паўкадку? Казімірова Пол.
ПАЎЛІТРОВІК, ПАЎЛІТЭРАК м. Бутэлька ёмістасцю ў паўлітра, паўлітроўка. Нёс у рукаве паўлітровік. Булахі Глыб. Адзін цэлы паўлітэрак высмактаў. Друя Брасл. З паўлітэрка малака ёсць у халадзільніку. Вераб'і Глыб.
ПАЎЛЮК м. Павук. Па сцяне паўлюк папоўз. Міхалінава Лёзн.
ПАЎНА н., ПАЎНАТА ж. Поўня. На вуліцы відна, як днём: паўна на небе такое яркае. Новы Пагост Міёр. Заўтра ўжо паўната. Грабяніца Віц.
ПАЎНЮТУНЬКА прысл., памянш. У поўнай меры, шмат. Гора гэта баба хапіла паўнютунька. Мікалаёва Міёр.
ПАЎНЮХАТКІ прым., памянш. Поўны, да краёў запоўнены. У нашай кароўкі можна паўнюхаткі жбан надаіць. Рудня Пол.
ПАЎРОЗА ж. Вяроўка, шнур. Зацягні паўрозу лепей, каб воз не перакуліўся. Марынцы Чаш.
79 👁