ЗІГАВІЦА ж. Бліскавіца. Усю ноч зіхацела зігавіца. Туркова Міёр. ЗІГРАШКА ж. Жанчына з вялікімі выпуклымі вачыма. Ну, гэта дзеўка і зіграшка! Мельніца Шарк. ЗІМНЯК м. Дарога, па якой ездзяць толькі зімой. Тут недалёка, калі па зімняку ехаць. Камень Леп. ЗІПАТКІ прым. Бліскучы, яркі. Як я люблю гэну зіпаткую хустачку. Мікіціха Шум. ЗІХАЦЬ незак. Цяжка дыхаць. Пагляджу, а ён ледзь зіхае. Латышы Глыб. ЗЛАД м. Лад, згода. Цяжка з дурным злад знайсці. Стаі Леп. ЗЛАЖЫЦЬ незак. Кастрыраваць. Парсюка злажылі ўчора. Канашы Гар. Параўн. злягчыць. ЗЛЕЎКІ толькі мн. Вяршкі. Січас злеўкі зніму і будзеш малако піць. Барсукі В.-Дзв. ЗЛІВАШ м., толькі адз. Малако, з якога злілі вяршкі. Ты бяры тое малако, а гэта – зліваш. Рускі Шум. ЗЛОМЫШ м. Зламанае ветрам дрэва. Столькі зломышаў пасля ночы ў садзе. Гушчына Лёзн. ЗЛОЎ м. Улоў. Злоў сёння добры. Велеўшчына Леп. ЗЛЫДНЯ аг., асудж. Дрэнны чалавек, злы. Злыдня ты, а не дзяўчына. Шыркі Сен. ЗЛЮБНІЦА ж. Каханка. Васіль ужо новую злюбніцу прывёў. Новы Двор В.-Дзв. ЗЛЯГЧЫЦЬ зак. Кастрыраваць. Трэба заўтра кабана злягчыць. Котава Віц. Параўн. злажыць. ЗМАЗА аг., асудж. Кепскі, брыдкі чалавек; пляткар. Ну і змаза: пайшла языком часаць. Слабодка Гар. ЗМАЛЫХ прысл. Змалку, з маленства. Мая дачка змалых любіла малако. Перамонт Лёзн. ЗМАЦАВАЦЦА зак. Страціць сілу, абяссілець. Змацавалася я, пакуль грады палолі, паляжу пайду. Колпіна Сен. ЗМЕШЫВА н., толькі адз. Ежа для свіней. Дадай у змешыва малачка – парсючкі смачней есці будуць. Шухаўцы Дубр. ЗМІКІЦІЦЦА зак., экспр. Страціць розум, здурнець. Дзеўка ж яе саўсем змікіцілася. Яроненкі Гар. ЗМОВІНЫ толькі мн., абрад. Заручыны. На змовінах адразу ўсё і вырашылі. Шыркі Сен. Параўн. звядзенне. ЗМОЎКА ж. Пасядзелкі вечарам у вёсцы. Паклікала кума ўсіх жанчын зноў на змоўку. Вялікая Пярэспа Сен.