вапнаўка ж. — Гом. р. (Кісялеўскі). Варанец Рэдкая расліна з буйным складаным лісцем на доўгіх чаранках і дробнымі белымі кветачкамі ў гронках. варанец м. — паўн.-зах. з. (СПЗБ, Сцяшковіч), жаўтаквет м. — Віц. р. (Кісялеўскі). Ватачнік, гл. Птушанец. Венерын чаравічак Вельмі рэдкая расліна з арыгінальнымі па форме кветкамі. зязюлька ж. — мясц. (ЭПБ), зязюльнік м. — мясц. (Ластоўскі). Верас Кусцікавая расліна з дробным лісцем і мяцёлачкамі дробных светла-сініх кветак, якімі заканчваюцца разгалінаваныя галінкі. верас м. — агульн. (ЛАБНГ, АЛА, СПЗБ, ТС, ЛП, ЖС, ГЧ, Кісялеўскі, Бялькевіч, Верас, Каспяровіч, Шатэрнік, Дабравольскі, Насовіч, Станкевіч, Ластоўскі, Мат. апыт.), верась ж. — Круп. (АЛА), верус м. — Гом. р. (Кісялеўскі), вжос м. — Гродз. (Кісялеўскі), врэск м. — мясц. (Насовіч),вераст м. — Шчуч., Ваўк., Кам., Кобр. (ЛАБНГ, АЛА), верасок м. — Бых. (ЛАБНГ, АЛА), верасён м. — Шчуч. (ЛАБНГ), верасень м. — Пух., Капыл. (ЛАБНГ, СПЗБ), верасон м. — Клім. (ЛАБНГ), вераснік м. — Хоц. (ЛАБНГ), подверасак м. — Свісл. (СПЗБ), барвінкі мн. — Гродз. р. (Кісялеўскі). Ворлікі, аквілегія Буйная рэдкая расліна з суквеццем густа-сініх арыгінальных па форме павіслых кветак на вяршыні парасткаў.