1621. Калатоўшчык — тут: беднякі, што ядзяць калатоўку, зацірку. 1634. Бух — шум. грукат. Маецца на ўвазе, што муха не можа ўтварыць грукату. Але магчыма дапусціць тут і памылку друку: буха замест бруга. 1649, 1650. На валакіту — тут: на жабраванне. 1659. Раней, відаць, было каліка. 1679. Дзядну — дзядоў. 1680. Заўв. збіральніка: «Сярод старцаў» (Дуб., 48). 1707а. У Насовіча памылкова «за лужаю», відаць, трэба «за мяжою». 1741. Заўв. збіральніка: «Богазневажальнае выхваленне багатыра, які зазнаўся» (Добр., Смол., 5). 1747. Пырыць — турбуе, не дае спакою. «Багацце пыра цябе, што ты й заснуць не можаш» (Бяльк., 372, Краснап.). 1762. Тумар — багатыр. 1798. Кадук — тут: няшчасце, напасць, смерць. 1802. Ігрыска — забава, ігрышча (польск. igrysko). 1830. Пар. рус.: Чешися конь с конем, вол с волом, а свинья с углом (Даль, 773). 1858. У вяліку пятніцу — строгі пост; на вялікдзень — святочная яда. 1862. Хандогая — худая. 1868. У кут — тут: каля парогу. 1869. На кут — у покуці, пачэсным месцы ў хаце. 1890. Наказ урачу. Бяда, гора, ліха, напасць, злыдні. Безвыходнасць. Спадзяванні 1897. Нечывелі — Дубяйкоўскі ў дужках тлумачыць: «не чыя воля, нечаканая бяда». 1905. Не скутаешся — не замкнешся, не схаваешся. 1917. Сабачы брэх, выццё, скавытанне, паводле даўніх народных вераванняў-прыкмет, заўсёды прадракае бяду і нават смерць. 1920. Раінне — парада. 1921. Руда — тут: гразь. 1963. Гл. заўв. 1798. 1983л. Райца — дарадца, дарадчык. 1996. Наградзе — нечакана з'явіцца; завінецца — завернецца. 2007. Пацялося — пашанцавала, прыбыло. 2019. Сядун — дзіця, што не ходзіць, толькі сядзіць. 2072. Варка — горача. Пар.: вар — кіпецень. 2084. Злыдні — увасабленне напасці, бяды, нягоды, якія, паводле даўніх народных павер'яў, «нападаюць» на чалавека, яго сям'ю, гаспадарку. 2086. Пераметчывы — пераменлівы. Гандаль. Грошы. Пазыкі, даўгі. Карчма 2119. Ярмалка — кірмаш (рус. ярмарка). 2125. Не было над наш — не было лепшага за наш.