Суд. Законы. Турма 780. Злачынства выправіць нельга (тлумач. збіральніка). 785. Пабудавана на ігры слоў: у першым выпадку дулі — грушкі, у другім — сцябалі, каралі. 798. Свінават — тут: бедны. 803. Сінюга — сініца. 814. Ручыцца, рэнчыць — ручаецца (польск. ręczyć); дрэнчыць — мучыць (польск. dręczyć). 816. Падсцівая — годная. 819. Паўштох — паўштоф, бутля, якая змяшчае палову штофа гарэлкі (1/20 вядра). 830. Заход — страты, выдаткі. 831. Аднесена збіральнікам да рубрыкі «Суд». Сэнс яе, відаць, такі: рашэнне міра, грамады або міравога дорага абыходзіцца двару. 834. Пружэй — больш пругкі. 848. Брахунец — ілжэсведка. 856. Гаворыцца пра нараканні або калі падазраюць у дрэнным учынку, злачынстве таго, пра каго ідзе ліхая пагалоска, а часам вінаваты зусім іншы. Пар. рус.: Слава на волка, а шалят пастухи. З-пад налуску — цішком. 861. Злачынства не схаваеш. 886б. Капцелка — вяндлярня, невялікае збудаванне, дзе вэндзяць мяса. Служба. Наймы 920. Дворная пахлёбка — служба ў панскім двары. 954, 955. Пабразгачы, пабразкачыя—грошы. 958. Фільгуючы — старанна. 966. Мізэрная заплата за работу (пар.: Як кот наплакаў); быле — абы, абы-толькі (польск. byle). 985. Пар. рус.: От трудов праведных не наживешь палат каменных (Даль, Слов., IV, 436). 988. Палушка — даўняя руская медная манета вартасцю ў паўгроша. 989. Аброк — тут: заплата;імалі — тут: наймалі; зымалі — адпушчалі пасля заканчэння тэрміну найма; поконд — пакуль (польск. pokąd). 996. Дзенежка — тое ж, што палушка (гл. заўв. 988). 1001. Гангурка — бруднюха, мурза. 1003. Зубожыць — збяднець, зрабіць убогім. Грамада. Калектывізм. Індывідуалізм 1012. Пар. рус.: Мир — велик человек (Даль, 404). 1058. Спамогуць, спаможа — перамогуць, пераможа. 1066. Жаласнікі, жалабнікі, бедавальнікі — спачувальнікі ў бядзе. 1070. Веле — многа (польск. wiele). 1100. Махнытка — галавешка. 1102. Пра работу, якую адзін не зробіш.