1323. Мысліві — паляўнічы (польск. myśliwiec). 1341. Бабуры — жабіна ікра. 1357. Кпіны з няўдачлівага паляўнічага: пакуль зайца застрэліць, «вала з'есць», «каня паложыць». 1379—1393. Пра кавальства. Гэта рамяство ў беларускай вёсцы, як падкрэсліваюць прыказкі, было асабліва паважным, бо было вельмі патрэбным селяніну і апрача таго прыносіла кавалю добры прыбытак. 1381. Узімку кавалю даводзіцца асабліва многа падкоўваць коней. 1394—1401. Пра цяслярства і іншыя рамёствы, звязаныя з апрацоўкай дрэва. 1394. Клін і мох дапамагаюць прыганяць бярвенні ў зрубе. 1398. Сітнік — той, хто вырабляе сіты; бёрнік — берднік, той, хто вырабляе бёрды для кроснаў. 1401. У луцце — у лес драць лыка. 1406—1420. Пра даўняе хатняе прадзенне і ткацтва. 1408. Ранняй вясной яшчэ ноч дастаткова доўгая, каб прасці. 1411. Калі не ўправілася напрасці ў зімовыя вечары, даводзіцца гэтым займацца пазней, разам з іншымі пільнымі работамі ў гаспадарцы. 1412. Прыкмета-табу. Не забуляйся — не забаўляйся. 1413. Сарасенка — збіральнік не тлумачыць слова. Магчыма, забытая адзінка вымярэння колькасці лёну. 1414. З-за кроснаў не прайсці па хаце. 1418. Федароўскі бачыць пераносны сэнс прыказкі ў тым, што «благая жонка або няздатны слуга пад умелай рукой гаспадара хутка пачынаюць варушыцца». 1420. Міколіць — святкаваць Міколу; марколіць — маркоціцца; партоліць — шыць. 1422—1438. Пра кравецкае рамяство, якое забяспечвала сям'і бязбеднае існаванне. 1426. Штых — шывок, асобная, найдрабнейшая частка шва. 1431. Кеп — дурань (польск. kiep). 1447—1452. Пра млынарства. Большасць іх з пераносным сэнсам. 1456—1466. Народныя прыказкі ставяць музыку ў адзін рад з паляўнічым і рыбаком — усе яны «не гаспадары». Праца 1477. За долю — за частку ўраджая, адпрацоўваючы і засяваючы чужое поле (пар.: здольніцтва). 1490а. Гаруе — арэ. 1493. Гуптаць — таптаць, завіхацца, тут: працаваць; хруптаць — хрумстаць, есці. 1497в, г. Каляцы, акуляцы — тут, відаць, вячэра (польск. kolacja). 1571. Букі — другая літара старажытнарускага алфавіта, тут: кніга, грамата, адукацыя. 1572. Нябожа — тут: бядняк. 1573. Занехіваць — пакідаць без нагляду. 1622. Плаца — плата, вынікі. 1628. Г. зн. рана кладзецца спаць, а позна ўстае.