773. Ад спаса дай рукавіцы паса. Athen. 774. Святы Баўтрамей душыць аваднёў і траціць мухі. «ШМ», № 7—8. 775. Прышоў Баўтрамей (Бартламей) — жыта на зіму сей. Fed., 22; Дуб., 50; Нос., 139. 776. На Баўтрамея то кажды жыта сее. Fed., 22. 777. На Івана прасіце, дзеткі, у бога дажджу, а пасля Івана я і адзін упрашу. Крэмнеў. 778. У стагнача хопіць хлеба да багача. Сцяшк., 612, Слон. 779. Багач — бярыся за рагач, ідзі пад авёс гараць. Fed., 18. 780. Багач — заткнуў у страху рагач. Б. Пятроўскі, 1969, Нясв. 781. Прышоў багач — кідай рагач, бяры сявеньку, сей памаленьку. Сержп., 33. Вар.: Fed., 18; А. Хомка, 1965, Ваўк. 13.10.3; В. Ківель, 1967, Нясв. 13.10.21. 782. На Барыса за рагач бярыся, а прыдзе багач — кідай рагач, бяры сявеньку і сей памаленьку. Ром., Мат., 84. 783. Прышоў багач — рыкнуў рагач; прышла пакрова — рыкнула карова. Fed., 18. 784. Да багача баба рабача, па багачы — хоць за плот валачы. В. Ківель, 1967, Нясв. 13.10.21. 785. Іван Багуслаў дружкі разаслаў, а аб пакрове дзеўка гатова. Калянд., 1921. 786. Калі да пакроў не было снегу, не будзе яго яшчэ дзве нядзелі. М. Грынблат, 1974, Пух.