Няма такой крамы, што купляюць мамы. Fed., 177. а) Нямаш тэй крамы, штоб прадаваліся родныя мамы. Нос., 100. Вар.: Дуб., 39; Сах.; Л. Царанкоў, 1960, Слон. 13.9.2. б) Няма такіх ятак, дзе прадаюць матак. С. Маісеенка, 1965, Жлоб. 13.3.25. в) Нет тых лавак, дзе купляюць родных мамак. 1961, Брасл. 13.9.5. Матка не граматка — за злоты (злотку) не купіш. Нос., 77; Дуб., 34; Янк. М., 144. Матка падзерла пазуху, носючы дзеткам, а дзеткі — ад маткі. Ляцкий, 20. а) Маткі дзяруць пазухі, дзецям хаваючы, а дзеткі дзяруць кішэні, ад матак хапаючы. Нос., 77. б) Маці падзярэ пазуху, дзецям хаваючы, а дзеці — хаваючы ад мацеры. Fed., 174. в) Маці парве кішэнку, для дзяцей збіраючы, а дзеці парвуць пазуху, ад маці хаваючы. Сцяшк., 598, Астр. Вар.: Fed., 15; А. Фядосік, 1962, Капатк. 8.1.76. г) Мацер носіць дзіцям і, носячы, парве кішэні, а дзеці парвуць кішэні, ад мацеры носячы. З нар. сл., 115, І. Яшкін, Пух. Маці то і да пекла трапіць. Fed., 174. У каго маці раднёнька, у таго сарочка бялёнька. Зах., 250. Добра таму гуляці, у каго родная маці: яна сустрэне ды праводзіць, і ў акенца паглядзіць. Зах., 250. У каго матка, у таго і галоўка гладка. Нос., 167. Вар.: Дуб., 64; Жанч., 111; У. Іваноў, 1958, Мінск 13.5.17; Г. Барташэвіч, 1963, Маладз. 8.1.82; 1961, Брасл. 13.9.5; І. Сувалаў, 1958, Чач. 13.3.29; А. Русіновіч, 1954, Светл. 13.3.29.