461. Калчышка — відаць, калека, кульгавы. Пар. Бяльк., 219: кальчыга — кульгавы чалавек. 465. Задні розум — запозненая здагадлівасць. 479. Падрачувае — паддражнівае, дражніць. Гл. Сцяшк., 332: падрачыць—падражніць (Ваўк.). 533в. Ні збла — ані няма. 536. Бубка — нешта зусім маленькае: зярнятка, гарошына. Пар. Сцяшк., 61: Дай мне хоць тры бубкі гароху, ні пасадзіла ніводнай бубачкі (Навагр., Гродз.). 616. У месе — тут: у мяху. 650. Не трэба ўпарціцца з ім. 653. Адпуст — адпушчэнне грахоў. Дабрата. Злосць. Зайздрасць. Няўдзячнасць 673. Ушчын — пачын, просьба. 725. За шавеллю — за дрэнню, нягоднікамі (пар. рус. шваль). 728. Рэшні — апошні. 730. Адказ на гразьбу пабіць кіем. 739. Шалькі — талеркі на вагах. 766. Гл. таксама 605. 779. Аджэніш, аджанешся — адгоніш, адаб'ешся. 786. Боўкай, бушлівай — бадлівай. 817. Ладыга — косць. Пар. рус.: Не умела песья ладыга на блюде лежать, так по подлавочью валяйся! (Даль, Слов., ІІ, 263). Лянота, гультайства. Паразітызм. Няўмельства 850. Красна — кросны. 865. Рында — неахайная, нязграбная жанчына. 866. Заганец і заганішча — невялікі і вялікі, або шырокі, загоны; тут — постаць, палоска, занятая жняёю ў час жніва. 884. Датыкі і затыкі — памылкі, недахопы пры тканні. 898б. Убой — гультай, неслух. 910. У месе — у мясе, г. зн., што яшчэ не нарадзілася (тлумач. выканаўцы). Больш верагодна — у мяху (гл. заўв. 616). 949. Насмешка з таго, хто шукае лёгкай работы. 957. Надалужыў — тут: марна патраціць час. Відаць, ад недалуга — няздольны, няздатны (Сцяшк., 312, Шчуч.). 961. Саўгець — сноўдаецца, бадзяецца, нічога не робячы. 968. Базікаваннем — гультайствам (пар. Сцяшк., 43, Гродз.: базыга — гультай). 973. Скутак — вынік. 984. Смык — тут: барана. 999. У вялікім доме больш работы і патрабуецца больш прыгляду (тлумач. Насовіча). У Насовіча памылкова «дорага торна». 1000. Піпіла — люлька, піпка; батурыць — балбатаць. 1007. Танянёх — выклічнік у дзіцячых забаўлянках. 1109. Хорт і выжал — паляўнічыя сабакі.