Працоўная кніжка маленькая, але важкая. Янк., 40. Не хваліся, план складаючы, пахваліся, год канчаючы. Янк., 40; Гут., 139. Сваімі, як сваімі, а дзяржаўнымі рублямі не кідайся. У. Іваноў, 1958, Мінск 13.5.17; Янк., 35. Не пускай казла ў гарод і ў сад, а злодзея — у бухгалтэрыю і на склад. Рапан., 293. У валакітчыкаў заўжды адзін адказ: прыходзьце заўтра, як не будзе нас. Гут., 87. Хто круціць да матае, таму на сходзе пападае. Янк., 41. Называцца чалавекам лёгка, быць чалавекам цяжка. В. Зубараў, 1956, Гом. 13.3.29. Хваляць — заткні вуха, крытыкуюць — слухай. Рапан., 300; Н. Парукаў, 1958, Добр. 13.3.29. Другіх крытыкуй, але і сам да крытыкі прыслухайся. Рапан., 287. Умей узняцца, умей і прызямліцца. Н. Парукаў, 1958, Добр. 13.3.29. Добры быў чалавек, але начальнікам паставілі. У. Іваноў, 1958, Мінск 13.5.17. Не так страшны сам, як зам. М. Грынблат, 1969, Мінск. Усім добры дзень, а табе асобая прапанова. І. Лушчыцкая, 1960, Нясв. 8.1.52. Тыя ж людзі, ды парадкі новыя. Янк., 35; Ахрым., 66.